Skincare Before Holi: ഹോളിക്ക് മുമ്പ് ചർമ്മവും മുടിയും പരിപാലിയ്ക്കാം, ഇതാ ചില വിദ്യകൾ – simple tips to protect skin & hair from holi colours

നിറങ്ങളുടെ ഉത്സവമായ ഹോളി തൊട്ടു മുന്നിൽ എത്തി നിൽക്കുന്നു. സന്തോഷകരമായ ഈ ഉത്സവം ആഘോഷിക്കുന്നത് വിവിധ നിറങ്ങൾ പരസ്പരം തേച്ചുപിടിപ്പിച്ചും കളർ ബോംബുകളും നിറങ്ങൾ കലർത്തിയ വെള്ളവും മറ്റുള്ളവരുടെ ദേഹത്ത് തെറിപ്പിച്ചുകൊണ്ടാണ്. എന്നാൽ ഈ ആഘോഷം മാത്രം മതിയോ? ആഘോഷം നിങ്ങളുടെ ചർമത്തിനും മുടിയ്ക്കും അത്ര ഗുണകരമല്ലാത്ത ഫലങ്ങൾ ഉണ്ടാക്കുന്നത് നിങ്ങൾ ഓർക്കാറുണ്ടോ?

നിങ്ങൾ നിറങ്ങളിൽ കുളിച്ച് ആനന്ദിക്കുമ്പോൾ നിങ്ങളുടെ ചർമ്മത്തെയും മുടിയെയും സംരക്ഷിക്കേണ്ട ഉത്തരവാദിത്തവും ഇല്ലേ ? അത് ഏറെ പ്രധാനമാണ്. ഏത് തരത്തിലുള്ള നിറവും യഥാർത്ഥത്തിൽ നിങ്ങളുടെ മുടിക്കും ചർമ്മത്തിനും കേടുപാടുകൾ ഉണ്ടാക്കും. അതിനാലാണ് നിങ്ങൾ ഹോളി ഉത്സവം തുടങ്ങുന്നതിന് കുറച്ച് സമയം മുൻപ് തന്നെ ചർമ്മവും മുടിയും പരിപാലിക്കാൻ ചെലവഴിക്കാൻ തയാറാവേണ്ടത്. ഹോളി ആഘോക്കുന്നതിന് മുമ്പ് നിങ്ങൾ ഓർമ്മിക്കേണ്ട ചില കാര്യങ്ങൾൾ ഇതാ:

ചർമ്മവും ഈർപ്പവും:

ഹോളി ഉത്സവങ്ങളിലേക്ക് പുറപ്പെടുന്നതിന് മുമ്പ്, നിങ്ങളുടെ ചർമ്മം അതിനായി തയ്യാറാക്കി നിർത്തിയിട്ടുണ്ട് എന്ന് ഉറപ്പാക്കണം. മുഖത്ത് വെളിച്ചെണ്ണ അല്ലെങ്കിൽ ബദാം എണ്ണ പോലുള്ളവ പുരട്ടുന്നത് നല്ലതാണ്. ഇത് ചർമത്തിൽ ഒരു തടസ്സം സൃഷ്ടിക്കാനും നിറങ്ങളിൽ നിന്ന് ചർമ്മത്തെ സംരക്ഷിക്കാനും സഹായിക്കും. ഒരു ആവരണമായി ഇത് വിഷ വസ്തുക്കളെ ചർമത്തിൽ കലരുന്നതിൽ നിന്ന് പ്രതിരോധിക്കും.

സൺസ്ക്രീൻ പ്രയോഗിക്കാൻ മറക്കരുത്:

പകൽ സമയത്താകും മിക്കവാറും നിങ്ങളുടെ ഹോളി ആഘോഷവും കളികളും. അതുകൊണ്ടു തന്നെ ഇതിന് പുറപ്പെടും മുമ്പ് നിങ്ങൾ ശരീരത്തിലും മുഖത്തും സൺസ്ക്രീൻ ഉപയോഗിക്കാൻ മറക്കരുത്. പുറപ്പെടുന്നതിന് കുറഞ്ഞത് 15 മിനിറ്റ് മുമ്പെങ്കിലും നിങ്ങൾ ക്രീം പ്രയോഗിക്കുന്നുവെന്ന് ഉറപ്പാക്കണം. അങ്ങനെ ചെയ്യുേമ്പാൾ ഇത് ചർമ്മത്തെ സൂര്യപ്രകാശത്തിൽ നിന്ന് സംരക്ഷിക്കും. നിങ്ങളുടെ കണ്ണുകളെ പരിരക്ഷിക്കുന്നതിനായി വേണമെങ്കിൽ നിങ്ങൾക്ക് സൺഗ്ലാസുകൾ ധരിക്കാം.
വ്യത്യസ്‌ത ചർമ്മ പ്രകൃതക്കാർക്കുള്ള സ്ക്രബ്ബ്‌ ഇങ്ങനെ തിരഞ്ഞെടുക്കാം
മുടി ഒരുക്കി നിർത്തണം:

നിങ്ങളുടെ തലമുടി എണ്ണ ഉപയോഗിച്ച് നന്നായി തടവേണ്ടത് അത്യാവശ്യമാണ്. ഹോളിക്ക് ഒരു രാത്രി മുമ്പ്, ഇളം ചൂടുള്ള വെളിച്ചെണ്ണ അല്ലെങ്കിൽ ജോജോബ ഓയിൽ , കാസ്റ്റർ ഓയിൽ എന്നിവയിൽ ഏതെങ്കിലും എണ്ണ ഉപയോഗിച്ച് മുടി മസാജ് ചെയ്യണം. ഇത് ചെയ്യുന്നതിലൂടെ മുടിക്ക് അധികം പോഷകങ്ങൾ ലഭിക്കും. നിറങ്ങൾ മുടിയിൽ വീണത് കാരണം മുടി വരണ്ടു പോകാതിരിയ്ക്കാൻ ഇത് ഫലപ്രദമാണ്. പിന്നീട്, നിറം എളുപ്പത്തിൽ പുറത്തേക്ക് വരാൻ ഇത് സഹായിക്കും.

ഷാംപൂ ചെയ്യരുത്:

ഹോളിക്ക് ഒരു ദിവസം മുമ്പ് ഷാമ്പൂ ചെയ്യുന്നത് ഒഴിവാക്കുക. ഷാംപൂ ചെയ്യുേമ്പാൾ അതിലൂടെ നിങ്ങളുടെ തലയോട്ടിയിലെ സ്വാഭാവിക എണ്ണകൾ ഒരു തടസ്സമായി പ്രവർത്തിക്കും. അങ്ങനെ അത് നിങ്ങളെ ദോഷകരമായി ബാധിക്കുകയും ചെയ്യും.

സെൻസിറ്റീവ് തലയോട്ടിക്ക് നാരങ്ങ നീര്:

സെൻസിറ്റീവ് തലയോട്ടി ഉള്ള ആളാണ് നിങ്ങൾ എങ്കിൽ ഹോളി ആഘോഷത്തിനായി പുറത്തേക്ക് പോകുന്നതിനു മുമ്പ് കുറച്ച് തുള്ളി നാരങ്ങ നീര് തലയോട്ടിൽ പുരട്ടുക. അങ്ങനെ ചെയ്യുകയാണെങ്കിൽ നാരങ്ങ നീര് നിങ്ങളുടെ തലയോട്ടിയിലെ ഒരു സംരക്ഷണ കവചമായി പ്രവർത്തിക്കുകയും അത് നിറങ്ങൾ അകത്ത് ചെല്ലുന്നത് തടയുകയും ചെയ്യും.

ഊർജ്ജവും ഉന്മേഷവും നൽകും എനർജി ഡ്രിങ്ക് |