ghee for hair: മുടിയിൽ നെയ്യ് ഇങ്ങനെ പുരട്ടിയാൽ ഈ പ്രശ്നങ്ങൾ അകറ്റാം – how to use ghee for treating these hair related issues

നെയ്യ് ഇന്ത്യൻ വിഭവങ്ങളിലെ ഒരു പ്രധാന ചേരുവയാണ്, അത് ഭക്ഷ്യ വിഭവങ്ങളെ കൂടുതൽ രുചികരമാക്കുന്നു. ആയുർവേദത്തിലെ ഏറ്റവും അമൂല്യമായ ഭക്ഷണമാണിത്. ഇത് നിങ്ങളുടെ വിഭവങ്ങളുടെ രുചി വർദ്ധിപ്പിക്കുക മാത്രമല്ല, മറ്റ് ആരോഗ്യ, ചർമ്മ, കേശ സംബന്ധമായ ഗുണങ്ങളും നിങ്ങൾക്ക് നൽകുന്നു. നിങ്ങളുടെ തലമുടിക്ക് ഗുണകരമായ നിരവധി സവിശേഷതകൾ കൊണ്ട് സമ്പന്നമാണ് നെയ്യ്. മുടിക്ക് നെയ്യ് നൽകുന്ന ഗുണങ്ങൾ എന്തൊക്കെയെന്ന് ഞങ്ങൾ നിങ്ങൾക്ക് പരിചയപ്പെടുത്താം.

നിങ്ങളുടെ മുടിക്ക് ഹാനികരമായ എല്ലാത്തരം രാസവസ്തുക്കളും അടങ്ങിയ കേശ സംരക്ഷണ ഉൽപ്പന്നങ്ങളും ഇന്നത്തെ കാലത്ത് നമ്മളിൽ പലരും ധാരാളമായി ഉപയോഗിച്ചു വരുന്നുണ്ട്. നിങ്ങൾ‌ക്ക് അവയ്ക്ക് പകരം പ്രകൃതിദത്ത പരിഹാരങ്ങൾ എന്തെങ്കിലും ഉപയോഗിക്കുവാൻ താൽ‌പ്പര്യമുണ്ടെങ്കിൽ‌, തീർച്ചയായും തിരഞ്ഞെടുക്കേണ്ട ഒന്നാണ് നെയ്യ്. കൂടുതൽ വലിച്ചുനീട്ടാതെ, ഈ പ്രിയപ്പെട്ട ഇന്ത്യൻ ചേരുവയുടെ കേശ സംബന്ധമായ ആനുകൂല്യങ്ങൾ എന്തൊക്കെയെന്നത് നമുക്ക് നോക്കാം.

മുടിയുടെ വളർച്ചയ്ക്ക് നെയ്യ് കൊണ്ട് മസാജ്

നിങ്ങളുടെ മുടി സ്വാഭാവികമായി വളരാൻ സഹായിക്കുന്ന വഴികൾ തേടുകയാണോ? എങ്കിൽ ഇപ്പോൾ തന്നെ നെയ്യ് കൊണ്ടുള്ള വിദ്യ ഉപയോഗിക്കാം. മുടിയിൽ ചെറുചൂടുള്ള നെയ്യ് കൊണ്ട് മസാജ് ചെയ്യുന്നത് ശിരോചർമ്മത്തിൽ സുഗമമായ രക്തചംക്രമണം സാധ്യമാക്കും, ഇത് മുടിയുടെ വളർച്ചയെ പ്രോത്സാഹിപ്പിക്കും. ആരോഗ്യകരമായ കൊഴുപ്പുകളും ഫാറ്റി ആസിഡുകളും ഇതിൽ അടങ്ങിയിട്ടുണ്ട്. ഇത് ശിരോചർമ്മത്തിന് പോഷണം നൽകുകയും മുടിയുടെ വളർച്ചയെ പ്രേരിപ്പിക്കുകയും ചെയ്യുന്നു.

നെയ്യ് പ്രകൃതിദത്ത ഹെയർ കണ്ടീഷണറാണ്

ഇതിൽ ആന്റിഓക്‌സിഡന്റുകളും ഫാറ്റി ആസിഡുകളും അടങ്ങിയിട്ടുണ്ട്, ഇവ രണ്ടും ശിരോചർമ്മത്തിൽ എളുപ്പത്തിൽ ആഗിരണം ചെയ്യുന്നവയാണ്. ആഴത്തിലുള്ള കണ്ടീഷനിംഗിനും വരണ്ടതും കേടായതുമായ മുടിയെ നന്നാക്കാനും ഇത് പ്രാപ്തമാണ്. മുടിയിൽ നെയ്യ് പുരട്ടി ഷവർ ക്യാപ് ഉപയോഗിച്ച് മൂടുക. രാത്രി മുഴുവൻ വച്ചതിനു ശേഷം രാവിലെ സാധാരണ വെള്ളത്തിൽ കഴുകുക.
കൈകാൽ മുട്ടുകളിലെ ഇരുണ്ട നിറം ഇല്ലാതാക്കാനുള്ള പ്രതിവിധികൾ ഇതാ…
നെയ്യ് ഉപയോഗിച്ച് മുടിയുടെ ഘടന മെച്ചപ്പെടുത്താം

മുടിക്ക് ഉപയോഗിക്കുന്ന ഹെയർ കളർ മുതൽ സ്റ്റൈലിംഗ് വരെ, ആളുകൾ ഇന്ന് നിങ്ങളുടെ മുടിക്ക് ഗുണത്തെക്കാൾ കൂടുതൽ നാശമുണ്ടാക്കുന്ന നിരവധി പരീക്ഷണങ്ങളിൽ ഏർപ്പെടുന്നു. ഈ പ്രക്രിയയിൽ, മുടിക്ക് അതിന്റെ സ്വാഭാവിക തിളക്കവും ഭംഗിയും നഷ്ടപ്പെടും. ഇത് പുനഃസ്ഥാപിക്കാൻ പ്രയാസമാണ്, പക്ഷേ നെയ്യ് അതിന് നിങ്ങളെ സഹായിക്കും. ഒരു സ്പൂൺ നെയ്യ് ചൂടാക്കി ശിരോചർമ്മത്തിലും മുടിയിലും തടവുക. ഇത് കുറച്ച് മണിക്കൂർ വച്ചതിനു ശേഷം ഷാംപൂ ഉപയോഗിച്ച് തല കഴുകുക. ഫലപ്രദമായ ഫലങ്ങൾ കാണുന്നതിന് ആഴ്ചയിൽ രണ്ടുതവണ ഇത് ചെയ്യുക.

മുടിയുടെ അറ്റം പിളരുന്നത് തടയാം

മുടിയുടെ അറ്റം പിളരുന്നതിന്റെ ഒരു പ്രധാന കാരണം അമിതമായ സ്റ്റൈലിംഗാണ്. എന്നാൽ നെയ്യ് അടിസ്ഥാനപരമായി പോഷകക്കുറവുള്ള പിളർന്ന അറ്റങ്ങളെ പരിപോഷിപ്പിക്കും. വിറ്റാമിൻ എ, ഡി, കെ 2, ഇ തുടങ്ങിയ പോഷകങ്ങളും ആന്റിഓക്‌സിഡന്റുകളും അടങ്ങിയ നെയ്യ് നിങ്ങളുടെ മുടിക്ക് ഗുണം ചെയ്യും. കുറച്ച് നെയ്യ് ചൂടാക്കി നിങ്ങളുടെ മുടിയിലെ പിളർന്ന അറ്റങ്ങളിൽ നേരിട്ട് പ്രയോഗിക്കുക മാത്രമാണ് നിങ്ങൾ ചെയ്യേണ്ടത്. ഒരു മണിക്കൂറിന് ശേഷം സാധാരണ ഷാംപൂവും തണുത്ത വെള്ളവും ഉപയോഗിച്ച് കഴുകുക.

പരുപരുത്ത മുടിയാണെങ്കിൽ നെയ്യ് പ്രയോഗിക്കൂ

പരുപരുത്ത കെട്ടുപിണഞ്ഞ മുടി വേർപെടുത്തുക എന്നത് നാമെല്ലാവരും ഒഴിവാക്കാൻ ആഗ്രഹിക്കുന്ന ഒരു ജോലിയാണ്. ഇത്തരത്തിലുള്ള മുടി പൊട്ടുന്നതിനും കനം കുറയുന്നതിനുമുള്ള സാധ്യതയുണ്ട്, അതിനാലാണ് സ്വാഭാവിക പരിഹാരം ഉപയോഗിച്ച് അവയെ ചികിത്സിക്കുന്നത് നല്ലതാണെന്ന് പറയപ്പെടുന്നത്. മുടിക്ക്.ഈർപ്പം പകരുന്ന ഗുണങ്ങൾ അടങ്ങിയ നെയ്യ് നിങ്ങളുടെ മുടിയുടെ ഘടന മെച്ചപ്പെടുത്താനും, മുടി മിനുസമാർന്നതും തിളക്കമുള്ളതും ഉള്ളുള്ളതും ആക്കുന്നതിനും സഹായിക്കും.