covid in delhi: ഡൽഹിയിൽ ഇന്ന് 5100 പേർക്ക് കൊവിഡ്; ഈ വർഷത്തെ ഏറ്റവും ഉയർന്ന കണക്ക് – delhi records 5100 new covid 19 cases highest daily rise in 2021

ന്യൂഡൽഹി: ഡൽഹിയിൽ കഴിഞ്ഞ 24 മണിക്കൂറിനിടെ 5100 പേർക്ക് കൊവിഡ് സ്ഥിരീകരിച്ചു. ഈ വർഷം ഡൽഹിയിൽ റിപ്പോർട്ട് ചെയ്യപ്പെടുന്ന ഏറ്റവും ഉയർന്ന കൊവിഡ് രോഗികളുടെ കണക്കാണിത്. ഒരു ലക്ഷത്തോളം സാമ്പിളുകൾ ടെസ്റ്റ് ചെയ്തതിൽ നിന്നാണ് ഇത്രയധികം ആളുകൾക്ക് കൊവിഡ് ബാധിച്ചതായി കണ്ടെത്തിയിരിക്കുന്നത്.

വാക്സിനേഷന് വേഗം കൂട്ടണം; 18 തികഞ്ഞ എല്ലാവര്‍ക്കും കൊവിഡ് 19 വാക്സിൻ നൽകണമെന്ന് ഐഎംഎ
നവംബർ 27 നാണ് ഇതിനു മുമ്പ് ഇത്രയധികം കേസുകൾ ഡൽഹിയിൽ റിപ്പോർട്ട് ചെയ്തിട്ടുള്ളത്. 5,482 പേർക്കാണ് അന്ന് രോഗം സ്ഥിരീകരിച്ചത്. ടെസ്റ്റ് പോസിറ്റിവിറ്റി നിരക്ക് 4.93 ശതമാനമാണ്. ഡൽഹി സർക്കാർ പുറത്തിറക്കിയ ബുള്ളറ്റിനിൽ പറയുന്നു.

2,340 പേർക്കാണ് കഴിഞ്ഞ 24 മണിക്കൂറിനുള്ളിൽ രോഗമുക്തി ലഭിച്ചത്. ഇതോടെ സംസ്ഥാനത്ത് ആകെ രോഗമുക്തി ലഭിച്ചവരുടെ എണ്ണം 6,56,617 ആയി. 6,85,062 പേർക്കാണ് സംസ്ഥാനത്ത് ഇതുവരെ രോഗം ബാധിച്ചിട്ടുള്ളത്.

ലാവ്‍ലിൻ കേസ് വീണ്ടും മാറ്റി; ഇനി മാറ്റാൻ ആവശ്യപ്പെടരുതെന്ന് സുപ്രീംകോടതി
കൊവിഡ് രോഗികളുടെ എണ്ണം വർദ്ധിച്ചതിനു പിന്നാലെ ഡൽഹിയിൽ രാത്രികാല കർഫ്യൂ ഏർപ്പെടുത്തിയിരുന്നു. രാത്രി പത്ത് മുതൽ പുലർച്ചെ അഞ്ച് വരെയാണ് കർഫ്യൂ ഏർപ്പെടുത്തിയത്. ഏപ്രിൽ 30 വരെയാണ് നിയന്ത്രണം.