വെറുതെ ഡയലോഗടിയല്ല! സ്വന്തം ഇലക്ട്രിക്ക് വാഹനങ്ങൾ പരിചയപ്പെടുത്തി ജീത്തു ജോസഫ്

സിനിമയിൽ കയ്യടി നേടാൻ പല ഡയലോഗുകളും പറയുന്ന നായകന്മാരെ നമുക്ക് പരിചയമുണ്ട്. എന്നാൽ ഇവരിൽ പലരും യഥാർത്ഥ ജീവിതത്തിൽ എങ്ങനെയാവണം എന്ന് നിർബന്ധമില്ല. എന്നാൽ മൈ ബോസ്, മെമ്മറീസ്, ദൃശ്യം സിനിമകളുടെ ഹിറ്റ് സംവിധായകനായ ‘സൊൽറത് സെയ്വാ, സെയ്റത് മട്ടും താൻ സൊൽവാ’ ലൈനാണ്. പരിസ്ഥിതി സൗഹാർദ്ദപരമായ ഇലക്ട്രിക്ക് വാഹനങ്ങളിലേക്ക് മാറുന്നതിന്റെ ആവശ്യകതെയെപ്പറ്റി വാതോരാതെ സംസാരിക്കുന്നവരുടെ കൂട്ടത്തിലല്ല ഇലക്ട്രിക്ക് വാഹനം സ്വന്തമാക്കിയാണ് ജീത്തു ജോസഫ് വ്യത്യസ്തനാവുന്നത്.

എംജി മോട്ടോറിന്റെ ഇലക്ട്രിക്ക് എസ്‌യുവി
യും ടിവിഎസ്സിന്റെ ഇലക്ട്രിക്ക് സ്കൂട്ടർ ഐക്യൂബുമാണ് ജീത്തു ജോസഫിന്റെ വാഹനശേഖരത്തിലെ ഇലക്ട്രിക്ക് താരങ്ങൾ. ജീത്തു തന്നെയാണ് തന്റെ ഇലക്ട്രിക്ക് വാഹനങ്ങളെ പരിചയപ്പെടുത്തി സമൂഹ മാധ്യമങ്ങളിൽ ചിത്രങ്ങൾ പോസ്റ്റ് ചെയ്തിരിക്കുന്നത്.

ചുവപ്പ് നിറത്തിലുള്ളതാണ് ജീത്തുവിന്റെ എംജി ZS ഇവി. എക്‌സൈറ്റ്, എക്‌സ്‌ക്‌ളൂസീവ് എന്നിങ്ങനെ രണ്ട് വേരിയന്റുകളിൽ വിപണിയിലെത്തിയ ZS ഇവിയ്ക്ക് യഥാക്രമം 20.88 ലക്ഷവും 23.58 ലക്ഷവുമാണ് എക്‌സ്-ഷോറൂം വില. ഇതിൽ ഏത് പതിപ്പാണ് ജീത്തു സ്വന്തമാക്കിയിരിക്കുന്നത് എന്ന് വ്യക്തമല്ല. 44.5 കിലോവാട്ട് ‘ഹൈടെക്’ ബാറ്ററി പായ്ക്കാണ് 2021 എംജി ZS ഇവിയുടെ പ്രധാന ആകർഷണം. 419 കിലോമീറ്ററാണ് ഒരു തവണ പൂർണമായും ചാർജ് ചെയ്താൽ എംജി ZS ഇവിയ്ക്ക് സഞ്ചരിക്കാവുന്ന ദൂരം. ബാറ്ററി പാക്ക് ‘മിക്ക സാഹചര്യങ്ങളിലും’ 300-400 കിലോമീറ്റർ സഞ്ചരിക്കാനുള്ള പ്രോയോഗിക പരിധിയാണ് നൽകുന്നത് എന്ന് എംജി മോട്ടോർ പറയുന്നു. 143 എച്ച്പി പവറും 353 എൻഎം ടോർക്കും ഉത്പാദിപ്പിക്കുന്ന പെർമനെന്റ് മാഗ്നെന്റിക് എസി ഇലക്ട്രിക്ക് മോട്ടറാണ് ZS ഇവിയുടെ ഹൃദയം.

കൊച്ചിയിൽ 1.23 ലക്ഷം രൂപ എക്‌സ്-ഷോറൂം വിലയുള്ള ഇലക്ട്രിക്ക് സ്കൂട്ടറാണ്
. 2.25 kWh ഇലക്ട്രിക് ഹബ് മോട്ടോറാണ് ടിവിഎസ് ഐക്യൂബിനെ ചലിപ്പിക്കുന്നത്. 4.5 kWh ലിഥിയം-അയൺ ബാറ്റെറിയിൽ നിന്നാണ് ഇലക്ട്രിക്ക് മോട്ടോർ പ്രവർത്തിക്കാനാവശ്യമായ ഊർജം സ്വീകരിക്കുന്നത്. ഒരു ഫുൾ ചാർജിൽ 75 കിലോമീറ്റർ ആണ് ഐക്യൂബ് ഇലക്ട്രിക്ക് അവകാശപ്പെടുന്ന റേഞ്ച്. 5A ചാർജിംഗ് സോക്കറ്റ്, സ്മാർട്ട് ഹോം ചാർജിംഗ് യൂണിറ്റ് അല്ലെങ്കിൽ പബ്ലിക് ചാർജിംഗ് സ്റ്റേഷൻ എന്നിങ്ങനെ മൂന്ന് രീതിയിൽ ഐക്യൂബിനെ ചാർജ് ചെയ്യാം. സ്മാർട്ട് ഹോം ചാർജിംഗ് യൂണിറ്റ് വഴി 5 മണിക്കൂർ കൊണ്ട് ബാറ്ററി പൂർണമായും ചാർജ് ചെയ്യാം. ഹോം ചാർജറും അതിന്റെ ഇൻസ്റ്റലേഷൻ ചാർജും ചേർന്നതാണ് സ്കൂട്ടറിന്റെ വില.