Sharad Pawar Health: ശരദ് പവാറിന് കൊവിഡ്; ഫോണിൽ വിളിച്ച് പ്രധാനമന്ത്രി – ncp leader sharad pawar tested positive for covid 19

മുംബൈ: എൻസിപി ദേശീയ അധ്യക്ഷൻ ശരദ് പവാറിന് കൊവിഡ് 19 സ്ഥിരീകരിച്ചു. കഴിഞ്ഞ ദിവസങ്ങളിൽ താനുമായി സമ്പർക്കത്തിലേർപ്പെട്ടവർ പരിശോധിക്കാൻ തയ്യാറാകണമെന്ന് ശരദ് പവാർ ആവശ്യപ്പെട്ടു.

Also Read: “തനിക്ക് പത്ത് ലക്ഷത്തിന്റെ കാറോ?” പുച്ഛിച്ച് ഷോറൂം ജീവനക്കാരൻ; കാശെടുത്ത് വീശി കർഷകൻ

“ഞാൻ കൊവിഡ് പോസിറ്റീവാണെന്ന് സ്ഥിരീകരിച്ചു. എന്നാൽ ആശങ്കപ്പെടേണ്ട സാഹചര്യമില്ല. എന്റെ ഡോക്ടർ നിർദ്ദേശിച്ച പ്രകാരമുള്ള ചികിത്സയാണ് ഞാൻ പിന്തുടരുന്നത്. കഴിഞ്ഞ ദിവസങ്ങളിൽ ഞാനുമായി സമ്പർക്കം പുലർത്തിയവർ പരിശോധന നടത്താൻ തയ്യാറാകണം. ആവശ്യമായ മുൻകരുതൽ സ്വീകരിക്കണമെന്നും അഭ്യർത്ഥിക്കുകയാണ്.” ശരദ് പവാർ ട്വീറ്റ് ചെയ്തു.

Also Read: കൊവിഡ് ചട്ടങ്ങൾ ലംഘിച്ചു; അമിത് ഷായുടെ പ്രചാരണത്തിനെതിരെ പരാതിയുമായി സമാജ് വാദി പാർട്ടി

അതേസമയം പ്രധാനമന്ത്രി നരേന്ദ്ര മോദി ശരദ് പവാറിനെ വിളിച്ച് രോഗവിവരം ആരാഞ്ഞു. പ്രധാനമന്ത്രിയുടെ ക്ഷേമാന്വേഷണങ്ങൾക്ക് നന്ദി അറിയിക്കുകയാണെന്ന് ശരദ് പവാർ വ്യക്തമാക്കി.

Also Read: ഒരാഴ്ചയ്ക്കിടെ 7,150 കുട്ടികൾക്ക് കൊവിഡ്; ജനുവരിയിൽ ഇതുവരെ 12,876 കേസുകൾ, പ്രതീക്ഷിച്ചതെന്ന് കർണാടക

“താങ്കളുടെ രോഗം വേഗത്തിൽ ഭേദമാകട്ടേ” എന്ന് കേന്ദ്ര മന്ത്രി നിതിൻ ഗഡ്കരി ട്വീറ്റിൽ കമന്റ് ചെയ്തു. നിരവധി ദേശീയ നേതാക്കളാണ് ശരദ് പവാറിന്റെ രോഗവിവരം തിരക്കിയിരിക്കുന്നത്.

കടപ്പാട്: ഉറവിട ലിങ്ക്