dileep case approver: ഗൂഢാലോചന കേസിൽ പ്രതികളിൽ ഒരാളെ മാപ്പുസാക്ഷിയാക്കാൻ നീക്കം; ഗൂഢാലോചന സ്ഥിരീകരിച്ചതായി സൂചന – actress attack case, dileep’s second day questioning, crime branch is close to make someone as an approver in case

കൊച്ചിയിൽ നടിയെ ആക്രമിച്ച കേസിൽ അന്വേഷണ ഉദ്യോഗസ്ഥരെ അപായപ്പെടുത്താന്‍ ശ്രമിച്ചെന്ന ഗൂഢാലോചന കേസിൽ ദിലീപ് അടക്കമുള്ളവരുടെ ചോദ്യം ചെയ്യൽ ക്രൈംബ്രാഞ്ച് ഓഫീസിൽ രണ്ടാം ദിനം പുരോഗമിക്കുകയാണ്. ഗൂഢാലോചനയിൽ ദിലീപിനൊപ്പം ഉള്‍പ്പെട്ട 4 പ്രതികളില്‍ ഒരാള്‍ ഗൂഢാലോചന സ്ഥിരീകരിച്ചതായും ഇയാളെ അന്വേഷണ സംഘം മാപ്പുസാക്ഷിയാക്കുമെന്നുമുള്ള വാർത്തയാണ് ഇപ്പോള്‍ പുറത്തുവന്നിരിക്കുന്നത്.

ALso Read: പറഞ്ഞുപഠിപ്പിച്ച മൊഴികള്‍, ദിലീപിനെ ചോദ്യം ചെയ്യല്‍ രണ്ടാംദിനം; ഡിജിറ്റൽ തെളിവുകളുടെ പരിശോധന ഫലം കാത്ത് ക്രൈംബ്രാഞ്ച്

കേസിലെ അഞ്ച് പ്രതികളില്‍ ഒരാളെ മാപ്പുസാക്ഷിയാക്കാന്‍ ക്രൈംബ്രാഞ്ച് നീക്കം നടത്തുകയാണെന്നാണ് 24 ന്യൂസാണ് റിപ്പോര്‍ട്ട് ചെയ്തിരിക്കുന്നത്. ഗൂഢാലോചന കേസിന്‍റെ ഗൗരവം അന്വേഷണസംഘം പ്രതിയോട് വിശദീകരിച്ചുവെന്നും ഈ കേസിലെ പ്രതികള്‍ നടിയെ ആക്രമിച്ച കേസിലും ഉള്‍പ്പെടുമെന്നും പറഞ്ഞതോടെയാണ് ഇയാള്‍ കുറ്റം സമ്മതിച്ചതെന്നാണ് റിപ്പോര്‍ട്ട്. ഇതോടെയാണ് ഇയാളെ മാപ്പുസാക്ഷിയാക്കാനായി അന്വേഷണസംഘം നീക്കം നടത്തുന്നത്. ഇയാളുടെ രഹസ്യമൊഴി രേഖപ്പെടുത്തിയേക്കും. ദീലീപ് അടക്കമുള്ള പ്രതികളുടെ ചോദ്യം ചെയ്യല്‍ ഇന്നും തുടരുകയാണ്.

Also Read: ദിലീപ് പിന്നെയും പിന്നെയും പച്ചക്കള്ളം പറയുന്നോ, ദിലീപ് അല്ല, ഞാന്‍ തന്നെ ആണ് ആ സിനിമ ഉപേക്ഷിച്ചത് എന്ന് ബാലചന്ദ്ര കുമാര്‍

സംവിധായകൻ ബാലചന്ദ്രകുമാര്‍ വെളിപ്പെടുത്തിയ മൊഴികളുടെ അടിസ്ഥാനത്തിലുള്ള കേസിൽ എസ്പി മോഹനചന്ദ്രന്റെ നേതൃത്വത്തിലാണ് കളമശേരി ക്രൈംബ്രാഞ്ച് ഓഫിസിൽ ചോദ്യം ചെയ്യൽ നടക്കുന്നത്. ഇന്നലെ നടത്തിയ ചോദ്യം ചെയ്യലിൽ പ്രതികളുടെ മൊഴികളിലെ പൊരുത്തക്കേടുകൾ വെച്ചുകൂടിയാണ് ഇന്നത്തെ ചോദ്യം ചെയ്യൽ പുരോഗമിക്കുന്നത്. മുമ്പ് പിടിച്ചെടുത്ത ഡിജിറ്റൽ തെളിവുകളുടെ പരിശോധന ഫലം ഇന്ന് ലഭിക്കുന്നതിനാൽ ഇത് കൂടി ചോദ്യം ചെയ്യലിൽ ഉണ്ടാകും.

Also Watch :