lockdown restriction in kerala: കൊവിഡ്: സംസ്ഥാനത്തെ ജില്ല തിരിച്ചുള്ള നിയന്ത്രണങ്ങളറിയാം, 8 ജില്ലകൾ ബി കാറ്റഗറിയിൽ – more covid-19 restrictions in many districts kerala

തിരുവനന്തപുരം: കേരളത്തിൽ കൊവിഡ്-19 കേസുകൾ വർധിക്കുന്ന സാഹചര്യത്തിൽ സംസ്ഥാനത്തെ വിവിധ ജില്ലകളിൽ നിയന്ത്രണം. ജില്ലകളെ കാറ്റഗറി തിരിച്ചാണ് നിയന്ത്രണം ഏർപ്പെടുത്തിയിരിക്കുന്നത്. എട്ട് ജില്ലകളെ ബി കാറ്റഗറിയിൽ ഉൾപ്പെടുത്തി. കൊല്ലം, തൃശൂർ, എറണാകുളം, വയനാട്, ഇടുക്കി, പാലക്കാട്, ആലപ്പുഴ, പത്തനംതിട്ട എന്നീ ജില്ലകൾ ബി കാറ്റഗറിയിൽ ഉൾപ്പെട്ടപ്പോൾ തിരുവനന്തപുരം ജില്ല സി കാറ്റഗറിയിലായി.

തുറക്കാനൊരുങ്ങി 190 പുതിയ മദ്യശാലകൾ കൂടി; ഏപ്രിൽ മുതൽ സംസ്ഥാനത്ത് പുതിയ മദ്യനയം
മുഖ്യമന്ത്രി പിണറായി വിജയൻ്റെ അധ്യക്ഷതയിൽ ചേർന്ന കൊവിഡ് അവലോകന യോഗത്തിലാണ് പുതിയ തീരുമാനങ്ങളുണ്ടായത്.
കൊല്ലം, തൃശൂർ, എറണാകുളം, വയനാട്, ഇടുക്കി, പാലക്കാട്, ആലപ്പുഴ, പത്തനംതിട്ട ജില്ലകൾ ബി കാറ്റഗറിയിലാണ്. ഇവിടെങ്ങളിൽ പൊതുപരിപാടികൾക്ക് വിലക്കുണ്ട്. സ്വകാര്യ ചടങ്ങുകളി 20 പേർക്ക് പങ്കെടുക്കാം. കോട്ടയം, മലപ്പുറം, കണ്ണൂർ ജില്ലകൾ എ കാറ്റഗറിയിലാണ്. കാസർകോടും കോഴിക്കോടും ഒരു കാറ്റഗറിയിലും ഉൾപ്പെട്ടിട്ടില്ല. എ കാറ്റഗറിയിലുള്ള ജില്ലകളിൽ പൊതുപരിപാടികൾ, വിവാഹം, മരണാന്തര ചടങ്ങുകൾ എന്നിവയ്ക്ക് 50 പേർക്ക് പങ്കെടുക്കാം.

കൊവിഡ് അതിതീവ്ര വ്യാപനം തുടരുന്ന തിരുവനന്തപുരം ജില്ലയില്‍ സി കാറ്റഗറിയിലാണ്. ആശുപത്രിയില്‍ പ്രവേശിപ്പിക്കുന്ന രോഗികളുടെ എണ്ണം കൂടിയതോടെ തിരുവനന്തപുരം ജില്ല സി കാറ്റഗറിയിലായത്. സി കാറ്റഗറിയില്‍ വരുന്ന ആദ്യ ജില്ലയാണ് തിരുവനന്തപുരം. തിരുവനന്തപുരം ജില്ലയില്‍ കൂടുതല്‍ ശ്രദ്ധ നല്‍കാനും തദ്ദേശ സ്വയംഭരണ സ്ഥാപനങ്ങള്‍ ഏകോപിച്ചു നിയന്ത്രണം ശക്തമാക്കാനും മുഖ്യമന്ത്രി നിര്‍ദ്ദേശിച്ചു. ജില്ലയിലെ തിയറ്ററുകളും ജിംനേഷ്യങ്ങളും നീന്തല്‍ കുളങ്ങളും അടച്ചിടും.

നടിയെ ആക്രമിച്ച കേസ്: വിചാരണ നീട്ടാനാവില്ലെന്ന് സുപ്രീം കോടതി, സർക്കാർ ആവശ്യം തള്ളി
കോളജുകളില്‍ അവസാന സെമസ്റ്റര്‍ ക്ലാസുകള്‍ മാത്രമേയുള്ളൂ. ബാക്കി ക്ലാസുകള്‍ ഓണ്‍ലൈനിലേക്ക് മാറ്റും. സാമൂഹിക, സാമുദായിക, രാഷ്ട്രീയ പരിപാടികള്‍ പാടില്ലെന്ന് നിര്‍ദേശം നല്‍കി. മതപരമായ ചടങ്ങുകള്‍ ഓണ്‍ലൈനായി നടത്താം. കല്യാണം, മരണാനന്തര ചടങ്ങുകള്‍ എന്നിവയ്ക്ക് പരമാവധി 20 പേര്‍ക്ക് പങ്കെടുക്കാം. ജില്ലയില്‍ പരിശോധന നടത്തുന്ന രണ്ടില്‍ ഒരാള്‍ക്ക് രോഗം സ്ഥിരീകരിക്കുന്ന സ്ഥിതിയാണ്. സെക്രട്ടേറിയേറ്റിലടക്കം രോഗ വ്യാപനം കൂടിയ സാഹചര്യമാണുള്ളത്. സെക്രട്ടേറിയറ്റില്‍ ജോലിക്ക് ഹാജരാകുന്ന ജീവനക്കാരുടെ എണ്ണം കുറയുന്നത് പരിശോധിക്കണമെന്ന് മുഖ്യമന്ത്രി നിര്‍ദ്ദേശിച്ചു. തിരുവനന്തപുരം ജില്ലയില്‍ ഇന്ന് 3256 പേര്‍ക്കു കൂടി കൊവിഡ് സ്ഥിരീകരിച്ചു. 12,131 പേര്‍ രോഗമുക്തരായി. രോഗം സ്ഥിരീകരിച്ച് 48,596 പേര്‍ ചികിത്സയിലുണ്ട്.