window cooling film: കാറിന്റെ ​ഗ്ലാസുകളിൽ കൂളിങ്ങ് ഫിലിം ഒട്ടിക്കാം; മാനദണ്ഡങ്ങൾ ഇങ്ങനെ – motor vehicle act allowed cooling film in car windows with restrictions

കഴിഞ്ഞ വർഷം ഏപ്രിൽ ഒന്നിനാണ് ഇത് സംബന്ധിച്ച് നിയമം പ്രാബല്യത്തിൽ വന്നത്. അതനുസരിച്ച്, ബ്യൂറോ ഓഫ് ഇന്ത്യൻ സ്റ്റാൻഡേഡ്സിന്റെ മാനദണ്ഡങ്ങൾ പാലിക്കുന്ന, നിശ്ചിത അളവിൽ സുതാര്യതയുള്ള പ്ലാസ്റ്റിക് ഫിലിം വാഹനങ്ങളുടെ ഗ്ലാസുകളിലും ഒട്ടിക്കാമെന്ന് വ്യക്തമാക്കുന്ന ഭേദഗതി കേന്ദ്ര മോട്ടർവാഹന നിയമത്തിൽ വരുത്തിയിരുന്നു. അതേസമയം, നേരത്തെയുള്ള നിയമം അനുസരിച്ച് വിവിധ സംസ്ഥാനങ്ങളിൽ ഇപ്പോഴും നടപടികൾ തുടരുകയാണെന്നാണ് മനോരമ റിപ്പോർട്ട് ചെയ്യുന്നത്.

2012ലാണ് വാഹനങ്ങളിൽ കറുത്ത ഫിലിം ഒട്ടിക്കുന്നതിന് വിലക്ക് വീണിരിക്കുന്നത്. ഇത്തരത്തിലുള്ള വാഹനങ്ങൾ ക്രിമിനൽ പ്രവർത്തനങ്ങൾക്ക് ഉപയോഗിക്കുന്നെന്നു ചൂണ്ടിക്കാണിച്ച് അവിഷേക് ഗോയങ്ക് സമർപ്പിച്ച ഹർജിയിലാണ് 2012ൽ ആണ് സുപ്രീം കോടതി ഒട്ടിക്കരുതെന്ന് കാണിച്ച് ഉത്തരവിട്ടത്.

Also Read : ‘ചരിത്രം മറക്കരുത്, ഇഎംഎസ് തൊട്ട് പിണറായി വരെ പണി നിർത്തി പോയേനെ’: രാഹുൽ മാങ്കൂട്ടത്തിൽ

വാഹനങ്ങളുടെ മുന്നിലും പിന്നിലും ഉള്ള ചില്ലുകളിൽ 70 ശതമാനവും വശങ്ങളിലെ ഗ്ലാസുകളിൽ 50 ശതമാനം എന്നിങ്ങനെ വെളിച്ചം കടന്നുപോകുന്ന തരത്തിൽ ആകണമമെന്നാണ് കേന്ദ്ര മോട്ടോർ വാഹന നിയമ വ്യവസ്ഥ പ്രകാരമായിരുന്നു ഉത്തരവ്. വാഹന നിർമാതാക്കൾ ഈ മാനദണ്ഡപ്രകാരം ഗ്ലാസുകൾ നിർമ്മിക്കേണ്ടത്. അതിനാൽ തന്നെ പിന്നീട്, സുതാര്യത കുറയ്ക്കുന്നത് നിയമ വിരുദ്ധമാണെന്ന് കോടതി നിരീക്ഷിച്ചു.

അതേസമയം, കോടതി ഉത്തരവിന് അടിസ്ഥാനമായ നിയമത്തിലും അതിന്റെ അടിത്തറയുള്ള ബിഐഎസ് മാനദണ്ഡങ്ങളിലും കേന്ദ്ര സർക്കാർ ഭേദഗതി വരുത്തിയിട്ടുണ്ട്. മോട്ടർ വാഹന നിയമത്തിലെ ചട്ടം 100 ൽ സേഫ്റ്റി ഗ്ലാസ് എന്നതിന് പകരം സേഫ്റ്റി ഗ്ലാസും സേഫ്റ്റി ഗ്ലെയ്സിങ്ങും എന്നു മാറ്റുകയും ചെയ്തിട്ടുണ്ട്. 2020 ജൂലൈയിലാണ് ഈ ഭേദഗതി വിജ്ഞാപനം ചെയ്തത്.

Also Read:‘യുക്രൈനിലെ സാഹചര്യം ആശങ്കാജനകം, ബുച്ച കൂട്ടക്കൊല അപലപനീയം’; ബൈഡനോട് മോദി

പുതിയ മാനദണ്ഡം അനുസരിച്ച് ഗ്ലാസുകളിൽ തിളക്കമുള്ള ഫിലിം ഒട്ടിച്ചാലും മുൻപിലും പിന്നിലുമുള്ള ഗ്ലാസുകളിലൂടെ കുറഞ്ഞത് 70 ശതമാനവും വശങ്ങളിലെ ഗ്ലാസിലൂടെ കുറഞ്ഞത് 50 ശതമാനവും പ്രകാശം കടന്നുപോകണം. ഇതോടെ, ഈ മാനദണ്ഡം പാലിക്കുന്ന ‘ഗ്ലെയ്സിങ് പ്ലാസ്റ്റിക്സ്’ ഒട്ടിക്കുന്നത് പുതിയ വ്യവസ്ഥ പ്രകാരം നിയമവിരുദ്ധമല്ല. ഇവയ്ക്കു കർശനമായ മാർഗനിർദേശങ്ങളാണ് ബിഐഎസിൽ പറയുന്നതെന്നും റിപ്പോർട്ടിൽ വ്യക്തമാക്കുന്നു.