Expensive Fancy Number: ആക്ടീവയ്ക്ക് വില 71,000 രൂപ ; നമ്പര്‍ പ്ലേറ്റിന് 15.4 ലക്ഷം രൂപ - chandigarh man buys rs 15.4 lakh fancy number

Expensive Fancy Number: ആക്ടീവയ്ക്ക് വില 71,000 രൂപ ; നമ്പര്‍ പ്ലേറ്റിന് 15.4 ലക്ഷം രൂപ – chandigarh man buys rs 15.4 lakh fancy number

വാഹനങ്ങളുടെ ഫാൻസി രജിസ്ട്രേഷൻ നമ്പറുകൾ മിക്കവര്‍ക്കും ഹരമാണ്. സെഡാൻ മുതൽ എസ്‌യുവി വരെ എല്ലാത്തരം ആഡംബര കാറുകളിലും എന്തിന് ഇരുചക്ര വാഹനങ്ങൾക്കു പോലുമുണ്ട് ഇപ്പോൾ രസകരമായ ഫാൻസി നമ്പറുകൾ. വ്യത്യസ്തമായ ഫോണ്ടുകളിൽ എംബോസ് ചെയ്‌തിരിക്കുന്ന നമ്പര്‍ ദൂരെ നിന്ന് പോലും തിരിച്ചറിയാനാകും. എന്നാലും ഒരു ലക്ഷത്തിൽ താഴെ വിലയുള്ള വാഹനത്തിന് ഫാൻസി നമ്പറിനായി 15.44 ലക്ഷം രൂപ മുടക്കുന്നത് അത്ര സാധാരണമല്ല. ചണ്ഡീഗഡിലാണ് വിചിത്രമായ ലേലം നടന്നത്.

ഹോണ്ട ആക്ടീവ ഉയമയായ ഒരാൾ സിഎച്ച് 01- സിജെ-0001 എന്ന ഫാൻസി നമ്പറിന് ആണ് അമ്പരപ്പിക്കുന്ന വില നൽകിയത്. ഹിന്ദുസ്ഥാൻ ടൈംസ് റിപ്പോർട്ട് പ്രകാരം വാഹനത്തിന് ചെലവായത് 71,000 രൂപ മാത്രവും. അടുത്തിടെ വാങ്ങിയ ആക്ടിവയ്‌ക്കായി നമ്പർ ഉപയോഗിച്ച ശേഷം ഒടുവിൽ കാറിനായി ഉപയോഗിക്കാനാണ് വാഹന ഉടമയുടെ പദ്ധതി.

Also Read: ആഴ്ചയിൽ അഞ്ച് മണിക്കൂര്‍ ജോലി; പ്രതിമാസ വരുമാനം 12 ലക്ഷം രൂപ

ഏപ്രിൽ 14 മുതൽ 16 വരെ സിഎച്ച്01-സിജെ സീരീസിലെ ഫാൻസി നമ്പറുകൾക്കും അവശേഷിക്കുന്ന മറ്റ് നമ്പറുകൾക്കുമായി ചണ്ഡീഗഡ് രജിസ്‌ട്രേഷൻ ആൻഡ് ലൈസൻസിംഗ് അതോറിറ്റി ഒരു ലേലം നടത്തിയിരുന്നു. ഈ സമയത്ത് 378 ഫാൻസി നമ്പറുകൾ ലേലത്തിനുണ്ടായിരുന്നു. റിപ്പോർട്ടുകൾ പ്രകാരം.
ലേലത്തിൽ പങ്കെടുത്തവർ മൊത്തം 1.5 കോടി രൂപയാണ് വിവിധ നമ്പറുകൾക്കായി ചെലവഴിച്ചത്. സിഎച്ച്-01-സിജെ-002 എന്ന നമ്പറിനാണ് രണ്ടാമത്തെ വലിയ ലേല വില ലഭിച്ചത്. 5.4 ലക്ഷം രൂപ.

സാധാരണയായി ഉയര്‍ന്ന ഫാൻസി നമ്പർ ഉള്ള വാഹനങ്ങളുടെ വില ഫാൻസി നമ്പറിനേക്കാൾ വളരെ കൂടുതലാകും. ആഡംബര വാഹനങ്ങളുടെ ഫാൻസി നമ്പറിനായി വൻതുക ചെലവഴിക്കുന്നവരുണ്ട്. ഉദാഹരണത്തിന്, 0001 എന്ന ഫാൻസി നമ്പറിന് ലഭിച്ച ഉയർന്ന ലേല വില 26.05 ലക്ഷം രൂപയായിരുന്നു. 2012-ൽ ആയിരുന്നു ഇത്. പക്ഷേ, ഈ ഫാൻസി നമ്പറിൻെറ നാലിരട്ടി വിലയുള്ള മെഴ്‌സിഡസ് എസ്-ക്ലാസ് ബെൻസ് ഉടമയാണ് മോഹ വിലയിൽ ഇഷ്ട ഫാൻസി നമ്പര്‍ സ്വന്തമാക്കിയത്.

കടപ്പാട്: ഉറവിട ലിങ്ക്