Multani Mitti Face Packs: ചർമ്മ സൗന്ദര്യത്തിന് മുൾട്ടാണി മിട്ടി ചേർത്ത ഫെയ്‌സ് പാക്കുകൾ – 5 nourishing multani mitti face packs for glowing skin

1. എണ്ണമയമുള്ള ചർമ്മത്തിന് നാരങ്ങ നീര് ചേർത്ത്

മുൾട്ടാണി മിട്ടി ചർമ്മത്തിലെ എല്ലാ അധിക എണ്ണയും നീക്കം ചെയ്യുകയും ചർമ്മത്തെ ശുദ്ധീകരിക്കുകയും ചെയ്യുന്നു. കൂടാതെ, ഇത് രക്തചംക്രമണം വർദ്ധിപ്പിക്കുകയും ചർമ്മത്തെ ആരോഗ്യകരമായി നിലനിർത്താൻ സഹായിക്കുകയും ചെയ്യുന്നു. ഇതിലേക്ക് നാരങ്ങാനീര് ചേർക്കുന്നത് നിങ്ങളുടെ ചർമ്മത്തിന് വിറ്റാമിൻ സിയും ആന്റിഓക്‌സിഡന്റുകളും നൽകും, കൂടാതെ ചർമ്മത്തിന്റെ നിറം മെച്ചപ്പെടുത്താനും ഇത് ഗുണകരമാണ്.

ഒരു ടേബിൾ സ്പൂൺ മുൾട്ടാണി മിട്ടിയിലേക്ക് റോസ് വാട്ടർ, നാരങ്ങ നീര് എന്നിവ ചേർത്ത് യോജിപ്പിച്ച ശേഷം ചർമ്മത്തിൽ പുരട്ടി 20 മിനിറ്റ് കഴിഞ്ഞ് കഴുകി വൃത്തിയാക്കാം. ആഴ്ചയിൽ രണ്ടു തവണ ഈ ഫേയ്‌സ് പാക്ക് ഉപയോഗിക്കാം.

2. മുഖക്കുരു ഉണ്ടെങ്കിൽ വേപ്പിൻ പൊടി ചേർത്ത്

മുൾട്ടാണി മിട്ടി ചർമ്മ സുഷിരങ്ങൾ ആഴത്തിൽ വൃത്തിയാക്കുകയും മുഖക്കുരുവിന് കാരണമാകുന്ന ബാക്ടീരിയകളെ നീക്കം ചെയ്യുകയും ചെയ്യുന്നു. വേപ്പിൻ പൊടിക്ക് ആന്റി ഇൻഫ്ലമേറ്ററി, ആൻറി ബാക്ടീരിയൽ ഗുണങ്ങൾ ഉള്ളതിനാൽ, മുൾട്ടാണി മിട്ടിയുമായി കലർത്തുമ്പോൾ മുഖക്കുരു, മുഖക്കുരു പാടുകൾ എന്നിവ നീക്കം ചെയ്യാൻ ഇത് സഹായിക്കും.

ഒരു ടേബിൾ സ്പൂൺ മുൾട്ടാണി മിട്ടി, ഒരു ടേബിൾ സ്പൂൺ വേപ്പിൻ പൊടി, ഒരു ടേബിൾ സ്പൂൺ ജാതിക്ക പൊടി, 2 ടേബിൾ സ്പൂൺ തേൻ, 1 അല്ലെങ്കിൽ 2 തുള്ളി ആപ്പിൾ സിഡെർ വിനാഗിരി എന്നിവ ഒരുമിച്ച് ചേർത്ത് കലർത്തുക. ഈ പാക്ക് മുഖത്തും കഴുത്തിലും പുരട്ടി ഉണങ്ങിയ ശേഷം കഴുകുക. മികച്ച ഗുണങ്ങൾക്ക് ആഴ്ചയിൽ ഒരിക്കൽ ഈ ഫേസ് പാക്ക് ഉപയോഗിക്കാം.

കൺപോളകൾക്ക് ഇരുണ്ട നിറമാണോ? കാരണവും പരിഹാര മാർഗ്ഗങ്ങളും ഇതാ
3. ചർമ്മഭംഗി മെച്ചപ്പെടുത്താൻ നെല്ലിക്ക പൊടി ചേർത്ത്

മുൾട്ടാണി മിട്ടിക്ക് മികച്ച തണുപ്പിക്കൽ ഗുണങ്ങളുണ്ട്, നിങ്ങൾ ഇത് നെല്ലിക്ക പൊടിയുമായി കലർത്തി ഫേസ് മാസ്‌ക് തയ്യാറാക്കുകയാണെങ്കിൽ, അതിൽ കൊളാജൻ അടങ്ങിയിട്ടുണ്ട്, ഇത് നിങ്ങളുടെ ചർമ്മത്തെ ഉറപ്പും മൃദുവുമാക്കി നിലനിർത്തും. മാത്രമല്ല, ആൻറി ഓക്സിഡൻറുകളും വിറ്റാമിൻ സിയും നെല്ലിക്കയിൽ അടങ്ങിയിട്ടുണ്ട്, ഇത് നിങ്ങളുടെ ചർമ്മത്തിന് തിളക്കം നൽകുകയും ചർമ്മത്തിന് ഭംഗി പകരുകയും ചെയ്യും.

1 ടേബിൾ സ്പൂൺ മുൾട്ടാണി മിട്ടി, 1 ടേബിൾ സ്പൂൺ നെല്ലിക്ക പൊടി, കുറച്ച് പപ്പായ / സ്ട്രോബെറി പൾപ്പ്, റോസ് വാട്ടർ എന്നിവ ഒരുമിച്ച് ചേർത്ത് കട്ടിയുള്ള പേസ്റ്റ് ഉണ്ടാക്കുക. മുഖത്തും കഴുത്തിലും പുരട്ടി ഉണങ്ങുമ്പോൾ കഴുകുക. ആഴ്ചയിൽ രണ്ടുതവണ ഈ പാക്ക് ഉപയോഗിക്കുക.

4. ആരോഗ്യമുള്ള ചർമ്മത്തിന് കാപ്പി ചേർത്ത്

കാപ്പി പൊടി ഒരു മികച്ച എക്‌സ്‌ഫോളിയേറ്ററായി പ്രവർത്തിച്ച് നിർജ്ജീവ ചർമ്മം നീക്കം ചെയ്യാനും രക്തയോട്ടം ഉത്തേജിപ്പിക്കാനും സഹായിക്കുന്നു. അതിനാൽ, നിങ്ങളുടെ മുഖത്തിന് തിളക്കം നൽകാനും മുഖക്കുരു കുറയ്ക്കാനും ചർമ്മത്തിൽ നിന്ന് മാലിന്യങ്ങൾ നീക്കം ചെയ്യാനും ഇത് സഹായിക്കും.

1 ടേബിൾ സ്പൂൺ കാപ്പിപ്പൊടി, 1 ടേബിൾ സ്പൂൺ മുൾട്ടാണി മിട്ടി, 1 ടീസ്പൂൺ ഗ്രീൻ ടീ, 1 ടേബിൾ സ്പൂൺ പാൽ എന്നിവ എടുത്ത് ഒരുമിച്ച് ചേർത്ത് യോജിപ്പിക്കുക. ഈ മിശ്രിതം 10 മിനിറ്റ് നേരം മുഖത്ത് പുരട്ടി ഉണങ്ങി കഴിയുമ്പോൾ ഇത് കഴുകാം. ആഴ്ചയിൽ ഒരിക്കലെങ്കിലും ഈ പാക്ക് ഉപയോഗിക്കാം.

5. കരുവാളിപ്പ് അകറ്റാൻ തേങ്ങാവെള്ളം ചേർത്ത്

മുൾട്ടാണി മിട്ടി ചർമ്മത്തിലെ പാടുകളെ ചെറുക്കാനും കരുവാളിപ്പും പിഗ്മെന്റേഷനും കുറയ്ക്കാനും സഹായിക്കുന്നു. മുൾട്ടാണി മിട്ടിയിൽ തേങ്ങാവെള്ളം ചേർക്കുന്നത് ഈ ഫേയ്‌സ് മാസ്കിനെ ഉന്മേഷദായകവും ജലാംശം നിറഞ്ഞതുമാക്കി, ചർമ്മത്തെ പോഷിപ്പിക്കുകയും ചെയ്യും.

ഒരു ടേബിൾ സ്പൂൺ മുൾട്ടാണി മിട്ടി 2 ടേബിൾ സ്പൂൺ തേങ്ങാവെള്ളത്തിൽ ചേർത്ത് പേസ്റ്റ് രൂപത്തിലാക്കി മുഖത്തും കഴുത്തിലും മറ്റ് കരുവാളിപ്പ് ബാധിച്ച സ്ഥലങ്ങളിലും പുരട്ടുക. ഇത് 15 മിനിറ്റ് നേരം ഇരിക്കട്ടെ. ശേഷം, തണുത്ത വെള്ളത്തിൽ കഴുകുക. ഈ ഫേയ്‌സ് പായ്ക്ക് ഓരോ രണ്ട് ദിവസം കൂടുമ്പോൾ ഉപയോഗിക്കുക.

ശ്രദ്ധിക്കുക: മുൾട്ടാണി മിട്ടി ചർമ്മത്തെ വരണ്ടതാക്കും, അതിനാൽ മുൾട്ടാണി മിട്ടി ചേർത്ത ഫെയ്‌സ് പാക്കുകൾ ഉപയോഗിച്ച ശേഷം നിങ്ങൾ ചർമ്മത്തിൽ നല്ല മോയ്സ്ചറൈസറും സൺസ്ക്രീനും ഉപയോഗിക്കുന്നുണ്ടെന്ന് ഉറപ്പാക്കുക.