How To Get Rid Of Sun Tan: വെയിലേറ്റ് ചർമ്മം കരുവാളിച്ചോ? പ്രതിവിധി ഈ DIY പാക്കുകൾ – get rid of sun tan with the help of these natural methods

> നാരങ്ങാനീരും റോസ് വാട്ടറും വെള്ളരിക്കാ നീരും കലർന്ന മിശ്രിതം ഫേസ് പാക്ക് ആയി മുഖത്ത് പുരട്ടണം. നാരങ്ങ നീര് സിട്രിക് ആസിഡ് കൊണ്ട് സമ്പന്നമാണ്, ഇത് ടാൻ നീക്കം ചെയ്യാൻ സഹായിക്കുന്നു, കുക്കുമ്പറും റോസ് വാട്ടറും ചർമ്മം തണുപ്പിക്കാൻ സഹായിക്കുന്നു.

> അൽപം തേനും നാരങ്ങാനീരും യോജിപ്പിച്ച് ചർമ്മത്തിൽ പുരട്ടുന്നതും മികച്ച ഫലം നല്കുന്നു.

> കുറച്ച് പാൽ, മഞ്ഞൾ, കുറച്ച് നാരങ്ങ നീര് എന്നിവയുടെ പേസ്റ്റ് തയ്യാറാക്കി ഈ മിശ്രിതം പിന്നീട് ചർമ്മത്തിൽ പുരട്ടി ഉണങ്ങുന്നത് വരെ വയ്ക്കണം. അതിനുശേഷം, ഇത് കുറച്ച് തണുത്ത വെള്ളത്തിൽ കഴുകണം.

> ഓട്‌സ്,മോര് എന്നിവയുടെ മിശ്രിതം തയ്യാറാക്കുക. ഈ മിശ്രിതം കരുവാളിപ്പ് ഉള്ള ഭാഗത്ത് പുരട്ടണം, ഓട്സ് ചർമ്മത്തിലെ നിർജ്ജീവ ചർമ്മം അകറ്റാനും മികച്ചതാണ്.

> ചെറുപയർ പൊടി, നാരങ്ങാനീര്, കുറച്ച് തൈര് എന്നിവ കരുവാളിപ്പുള്ള പ്രദേശത്ത് പതിവായി പുരട്ടുന്നത് നിറവ്യത്യാസത്തിനെതിരെ മികച്ച ഫലം നൽകുന്നു.

> കുറച്ച് നാരങ്ങ നീര് കൈമുട്ടുകളിലോ കാൽമുട്ടുകളിലോ കുറഞ്ഞത് 15 മിനിറ്റെങ്കിലും തേയ്ച്ചു പിടിപ്പിക്കുക.ഇത് ടാൻ നീക്കം ചെയ്യാനും ചർമ്മം മനോഹരമാക്കാനും സഹായിക്കുന്നു.

> കൈകളിലും മുഖത്തും ശുദ്ധമായ തേങ്ങാവെള്ളം പതിവായി ഉപയോഗിക്കുന്നത് ചർമ്മത്തെ മൃദുവാക്കാനും ടാൻ ഇല്ലാതാക്കുന്നതിനും വളരെ ഫലപ്രദമാണ്.

ചർമ്മ സൗന്ദര്യത്തിന് ആര്യവേപ്പില; പ്രയോഗിക്കാൻ 5 എളുപ്പമാർഗ്ഗങ്ങൾ
> കറ്റാർ വാഴ ജെൽ ടാൻ കളയാൻ മികച്ച പ്രതിവിധിയാണ്. കരുവാളിച്ച സ്ഥലത്ത്‌ ദിവസവും പുരട്ടിയാൽ, ഒരാഴ്ചയ്ക്കുള്ളിൽ ഇത് ചർമ്മത്തിന് തിളക്കം നൽകും. എന്നിരുന്നാലും, സൺസ്ക്രീൻ ഉപയോഗിക്കേണ്ടത് പ്രധാനമാണ്.

> പാൽപ്പൊടി, ചെറുനാരങ്ങാനീര്, തേൻ, ബദാം ഓയിൽ എന്നിവയുടെ തുല്യഭാഗങ്ങളടങ്ങിയ ഒരു ക്രീം പുരട്ടി 20 മിനിറ്റ് നേരം വയ്ക്കാം. ഇത് നിങ്ങളുടെ ടാൻ ലഘൂകരിക്കാൻ സഹായിക്കും. ഇത് ദിവസവും മൂന്ന് തവണ ഉപയോഗിക്കാം.

> മഞ്ഞൾപ്പൊടിയും നാരങ്ങാനീരും ചേർത്ത് ഉണ്ടാക്കിയ പേസ്റ്റ് ആഴ്ചയിൽ മൂന്ന് തവണ പുരട്ടുക. ഇത് ചർമ്മത്തിന്റെ നിറം കൂട്ടുകയും ടാൻ നീക്കം ചെയ്യുകയും ചെയ്യും.

> ബദാം രാത്രി മുഴുവൻ കുതിർത്ത് അടുത്ത ദിവസം രാവിലെ നല്ല പേസ്റ്റാക്കി തുല്യ അളവിൽ മിൽക്ക് ക്രീം ചേർത്ത് കരുവാളിപ്പുള്ള ചർമ്മ ഭാഗത്ത് പുരട്ടുക.

> ഓട്‌സ്, തൈര്, കുറച്ച് തുള്ളി നാരങ്ങ, തക്കാളി നീര് എന്നിവയുടെ പേസ്റ്റ് തയ്യാറാക്കി ചർമ്മത്തിൽ പുരട്ടുന്നതും നല്ലതാണ്. ഇത് അരമണിക്കൂറിനു ശേഷം തണുത്ത വെള്ളത്തിൽ കഴുകുക.

> കുറച്ച് പപ്പായ പൾപ്പ് എടുത്ത് സൺ ടാൻ ഉള്ള ഭാഗത്ത് മസാജ് ചെയ്യുക. പപ്പായ ചർമ്മത്തിന് അത്യുത്തമമാണ് മാത്രമല്ല വാർദ്ധക്യം തടയാനും സഹായിക്കുന്നു.

> മുൾട്ടാണി മിട്ടി, കുമ്പളങ്ങാ നീര് എന്നിവ യോജിപ്പിച്ച് മുഖത്ത് പുരട്ടുന്നത് ടാൻ ഗണ്യമായി കുറയ്ക്കാൻ സഹായിക്കുന്നു.

ഇവയൊക്കെ തന്നെ വളരെ ലളിതവും വീട്ടിൽ തന്നെ ചെയ്യാവുന്നതുമാണ്. വിലയേറിയ കോസ്‌മെറ്റിക്കുകൾക്കു പുറകെ പോകാതെ നമുക്ക് ഈസിയായി ചെയ്യാവുന്ന ഈ വിദ്യകൾ പരീക്ഷിച്ചു നോക്കൂ, ഫലം അറിയൂ…

(സമയം, വായനക്കാർക്കിടയിൽ ഒരു സർവെ സംഘടിപ്പിക്കുകയാണ്. നിങ്ങളുടെ വിലയേറിയ അഭിപ്രായങ്ങൾ കൂടുതൽ മെച്ചപ്പെട്ട രീതിയിൽ പ്രവർത്തിക്കാൻ ഞങ്ങളെ സഹായിക്കും. സർവേയിൽ പങ്കെടുക്കൂ, ആകർഷകമായ സമ്മാനങ്ങൾ നേടൂ.)