tamil nadu pocso case verdict: ‘മരുമകളെ വിവാഹം ചെയ്തു, രണ്ട് കുട്ടികളുമായി’; പോക്സോ കേസ് പ്രതിയെ വെറുതേവിട്ടു, തമിഴ്‌നാട്ടിലെ ആചാരമെന്ന് സുപ്രീം കോടതി – supreme court quashes conviction of man who married minor niece

ഭാര്യയെയും രണ്ട് കുട്ടികളെയും പ്രതി പരിപാലിക്കുന്ന സാഹചര്യവും കണക്കിലെടുത്ത് ദണ്ഡപാണിക്കെതിരായ കേസ് സുപ്രീം കോടതി റദ്ദാക്കുകയായിരുന്നു. ഈ കേസിലെ അടിസ്ഥാന യാഥാർത്ഥ്യത്തിൽ നിന്ന് കോടതിക്ക് കണ്ണടയ്ക്കാൻ കഴിയില്ലെന്നും പെൺകുട്ടിയുടെയും ഹർജിക്കാരന്റെയും സന്തോഷകരമായ ദാമ്പത്യജീവിതത്തെ തടസ്സപ്പെടുത്താൻ കഴിയില്ലെന്നും സുപ്രീം കോടതി വിധിയിൽ പറഞ്ഞു. പ്രതിയും ഇരയായ പെൺകുട്ടിയും മാതൃസഹോദരനും മരുമക്കളുമാണെന്നും തമിഴ്‌നാട്ടിൽ അമ്മാവനും മരുമകളും തമ്മിലുള്ള വിവാഹ സമ്പ്രദായം ഉണ്ടെന്നും തങ്ങളെ അറിയിച്ചിട്ടുണ്ടെന്നും സുപ്രീം കോടതി പറഞ്ഞു.

മയിലിനു തീറ്റ കൊടുക്കാൻ ഒരു സുപ്രധാനയോഗം മോദി നിര്‍ത്തിച്ചു; പ്രധാനമന്ത്രിയുടെ മനസ്സലിവിനെ പുകഴ്ത്തി അമിത് ഷാ
പ്രതിയെ വിവാഹം കഴിച്ച് സന്തോഷകരമായ ദാമ്പത്യ ജീവിതം നയിക്കുകയാണെന്ന് പെൺകുട്ടി സുപ്രീം കോടതിയിൽ വ്യക്തമാക്കി.
അതേസമയം, ഈ കേസിലെ വിധിയെ മറ്റ് കേസുകളുമായി താരതമ്യം ചെയ്യേണ്ടതില്ലെന്ന് കോടതി പറഞ്ഞു. പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചെന്ന പരാതിയിലാണ് ദണ്ഡപാണിക്കെതിരെ പോക്‌സോ പ്രകാരം കേസെടുത്തത്. 2018 ഒക്ടോബർ 31ന് തിരുപ്പൂർ വനിതാ കോടതി പോക്‌സോ കേസിൽ പ്രതിക്ക് പത്ത് വർഷം തടവിന് ശിക്ഷ വിധിച്ചു. 2019 ഫെബ്രുവരി 13ന് മദ്രാസ് ഹൈക്കോടതി ശിക്ഷ ശരിവച്ചതോടെയാണ് പ്രതി സുപ്രീം കോടതിയെ സമീപിച്ചത്.