Adesh Gupta House: ബിജെപി ഡൽഹി അധ്യക്ഷന്റെ വീട് കയ്യേറ്റ ഭൂമിയിൽ; ബുൾഡോസർകൊണ്ട് പൊളിക്കുമെന്ന് ആം ആദ്മി – aap s bulldozer threat to bjp delhi chief adesh gupta

അതേസമയം ആദേശ് കുമാർ ഗുപ്ത എഎപിക്ക് മറുപടി നൽകി. “ഡൽഹിയിലെ റോഹിങ്ക്യൻ കയ്യേറ്റക്കാരെയും കലാപകാരികളെയും എഎപി സംരക്ഷിക്കുകയാണ്. ഡൽഹി സർക്കാരിന് പാവപ്പെട്ട ജനങ്ങളോട് എന്തെങ്കിലും ബാധ്യത ഉണ്ടെങ്കിൽ കേന്ദ്ര സർക്കാരിന്റെ ആയുഷ്മാൻ ഭാരത് പദ്ധതി നിങ്ങൾ ഡൽഹിയിൽ നടപ്പാക്കണം.” ഡൽഹി ബിജെപി അധ്യക്ഷൻ പറഞ്ഞു.

ബംഗ്ലാദേശികൾ, റോഹിങ്ക്യകൾ, തീവ്രവാദികൾ, കലാപകാരികൾ എന്നിവരുടെ സ്വത്തുക്കളാണ് ബിജെപി ബുൾഡോസർ ഉപയോഗിച്ച് തകർക്കുന്നത്. അതിന്റെ പേരിൽ രാഷ്ട്രീയം കളിക്കരുതെന്നും ആദേശ് കുമാർ ഗുപ്ത പറഞ്ഞു.

നേരത്തെ ബിജെപി ഭരിക്കുന്ന വടക്കൻ ഡൽഹി മുനിസിപ്പൽ കോർപ്പറേഷൻ ജഹാംഗീർപുരിയിൽ കയ്യേറ്റം എന്ന പേരിൽ കെട്ടിടങ്ങൾ പൊളിച്ചു നീക്കിയിരുന്നു. സുപ്രീംകോടതി ഉത്തരവ് ലംഘിച്ചാണ് കെട്ടിടങ്ങൾ പൊളിച്ചത്.