Delhi Fire: ഡൽഹിയിൽ വൻ തീപിടുത്തം; 26 പേർ വെന്തുമരിച്ചു; നിരവധിപ്പേർക്ക് പൊള്ളലേറ്റു - many dead and injured as fire breaks out near mundka metro station in west delhi

Delhi Fire: ഡൽഹിയിൽ വൻ തീപിടുത്തം; 26 പേർ വെന്തുമരിച്ചു; നിരവധിപ്പേർക്ക് പൊള്ളലേറ്റു – many dead and injured as fire breaks out near mundka metro station in west delhi

ന്യൂഡൽഹി: പടിഞ്ഞാറൻ ഡൽഹിയിൽ മൂന്നു നില കെട്ടിടത്തിലുണ്ടായ തീപിടുത്തത്തിൽ നിരവധിപ്പേർ വെന്ത് മരിച്ചു. 26 പേരുടെ മൃതദേഹം ഇതുവരെ കണ്ടെത്താൻ കഴിഞ്ഞെന്ന് രക്ഷാ പ്രവർത്തകർ പറഞ്ഞു. മുപ്പതിൽ അധികം പേർക്ക് പൊള്ളലേറ്റതായാണ് റിപ്പോർട്ട്. മുണ്ട്ക മെട്രോ സ്റ്റേഷനു സമീപമുള്ള കെട്ടിടത്തിലാണ് അഗ്നിബാധ ഉണ്ടായതെന്ന് അധികൃതർ പറഞ്ഞു.

‘മികച്ച രാഷ്ട്രതന്ത്രജ്ഞനും ദീർഘവീക്ഷണവുമുള്ള നേതാവ്’; യുഎഇ പ്രസിഡൻ്റിൻ്റെ വിയോഗത്തിൽ അനുശോചിച്ച് മുഖ്യമന്ത്രി
എഴുപതോളം പേരെ കെട്ടിടത്തിൽ നിന്നും രക്ഷപെടുത്തിയെന്നാണ് റിപ്പോർട്ടുകൾ. വൈകിട്ട് അഞ്ച് മണിയോടെയാണ് തീപിടുത്തം സംബന്ധിച്ച ആദ്യ വിവരം ലഭിച്ചതെന്ന് അഗ്നിശമന സേന അറിയിച്ചു. കൂടുതൽ പേർ കെട്ടിടത്തിൽ കുടുങ്ങി കിടക്കുന്നതായി റിപ്പോർട്ടുകളുണ്ട്. രക്ഷാ പ്രവർത്തനം തുടരുകയാണ്. നിരവധി കമ്പനികളുടെ ഓഫീസുകൾ പ്രവർത്തിക്കുന്ന കെട്ടിടത്തിലാണ് തീപിടുത്തമുണ്ടായത്.

നിലവിൽ കെട്ടിടത്തിലെ തീ നിയന്ത്രണ വിധേയമായിട്ടുണ്ടെന്നാണ് വിവരം. രാഷ്ട്രപതി രാംനാഥ് കോവിന്ദ് അടക്കമുള്ളവർ ദുരന്തത്തിൽ അനുശോചനം അറിയിച്ചു.

ബിജെപി ഡൽഹി അധ്യക്ഷന്റെ വീട് കയ്യേറ്റ ഭൂമിയിൽ; ബുൾഡോസർകൊണ്ട് പൊളിക്കുമെന്ന് ആം ആദ്മി
“ഡൽഹിയിലുണ്ടായ തീപിടുത്തത്തിൽ നിരവധിപ്പേർക്ക് ജീവൻ നഷ്ടപ്പെട്ടതിൽ അതിയായ ദുഃഖമുണ്ട്. മരണപ്പെട്ടവരുടെ കുടുംബത്തെ ഓർക്കുന്നു. പരിക്കേറ്റവർക്ക് എത്രയും വേഗം സുഖം പ്രാപിക്കാൻ കഴിയട്ടേയെന്ന് ആശംസിക്കുന്നു.” പ്രധാനമന്ത്രി നരേന്ദ്ര മോദി ട്വീറ്റ് ചെയ്തു.