arvind kejriwal: ചങ്കിടിപ്പോടെ മുന്നണികൾ; ഉയരുമോ ആപ്പ് – ട്വൻ്റി 20 ബദൽ സഖ്യം? ഇന്ന് കെജ്രിവാൾ കൊച്ചിയിൽ – chances of fourth front in kerala as arvind kejriwal visits kizhakkambalam and meets sabu jacob

Also Read: 5000 കോടി വായ്പയെടുക്കാൻ കേരളത്തിന് കേന്ദ്രത്തിന്റെ അനുമതി

ഡൽഹിയിലെ തുടര്‍ച്ചയായ നിയമസഭാ തെരഞ്ഞെടുപ്പ് വിജയങ്ങള്‍ക്ക് പിന്നാലെ എഎപി പഞ്ചാബിലും ഈ വര്‍ഷം ചുവടുറപ്പിച്ചിരുന്നു. പാര്‍ട്ടിയുടെ അടുത്ത ലക്ഷ്യങ്ങളിലൊന്ന് കേരളമാണെന്ന് എഎപി മുൻപ് തന്നെ വ്യക്തമാക്കിയിരുന്നു. എന്നാൽ ഡൽഹിയിലും പഞ്ചാബിലും ഒറ്റയ്ക്ക് തെരഞ്ഞെടുപ്പിനെ നേരിട്ട പാര്‍ട്ടി കേരളത്തിൽ സഖ്യരൂപീകരണത്തിനായി ശ്രമം നടത്തുന്നു എന്നതാണ് ശ്രദ്ധേയം. മുന്നണി രൂപീകരണവുമായി ബന്ധപ്പെട്ട് ഇതിനോടകം ഇരുപാര്‍ട്ടികളം തമ്മിൽ അന്തിമധാരണയായിട്ടുണ്ടെന്നാണ് റിപ്പോര്‍ട്ടുകള്‍.

ഇരുപാര്‍ട്ടികളും ചേര്‍ന്ന് തൃക്കാക്കര ഉപതെരഞ്ഞെടുപ്പിൽ സംയുക്ത സ്ഥാനാര്‍ഥിയെ നിര്‍ത്താൻ തത്വത്തിൽ തീരുമാനിച്ചിരുന്നെങ്കിലും പിന്നീട് തീരുമാനം മാറ്റുകയായിരുന്നു. ഉപതെരഞ്ഞെടുപ്പിന് രാഷ്ട്രീയ പ്രാധാന്യമില്ലെന്നും ഭരണം പിടിക്കാൻ നിയമസഭാ തെരഞ്ഞെടുപ്പ് തന്നെ വേണമെന്നുമായിരുന്നു ഇതിന് കാരണമായി ആം ആദ്മി പാര്‍ട്ടി വിശദീകരിച്ചത്.

Also Read: തീപിടിത്തത്തിൽ മരണം 27; കമ്പനി ഉടമകൾ അറസ്റ്റിൽ; കുടുങ്ങിക്കിടക്കുന്നവർക്കായി തെരച്ചിൽ

അതേസമയം, തൃക്കാക്കരയിൽ ആം ആദ്മി പാര്‍ട്ടി സ്വീകരിക്കുന്ന നിലപാട് എന്താണെന്ന കാര്യത്തിൽ വ്യക്തതയില്ല. എന്നാൽ യുഡിഎഫിന് അനുകൂലമായ ചില സൂചനകള്‍ ട്വൻ്റി 20 പുറത്തു വിട്ടിട്ടുണ്ട്. മുൻ എംഎൽഎ പിടി തോമസും ട്വൻ്റി 20യുമായി നേരിട്ട് ഏറ്റുമുട്ടുന്ന സാഹചര്യം ഉണ്ടായിരുന്നെങ്കിലും സാബു ജേക്കബുമായി സമവായകാമെന്ന നിലപാടിലായിരുന്നു യുഡിഎഫും. എന്നാൽ ദേശീയതലത്തിൽ കോൺഗ്രസിനെതിരെ നിൽക്കുന്ന ആം ആദ്മി പാര്‍ട്ടി തൃക്കാക്കരയിൽ യുഡിഎഫുമായി സഹകരിക്കുമോ എന്ന കാര്യത്തിൽ വ്യക്തതയില്ല.