rain in kerala: അടുത്ത മൂന്ന് മണിക്കൂറിൽ ശക്തമായ മഴയ്ക്ക് സാധ്യത; ഒൻപത് ജില്ലകളിൽ മഴമുന്നറിയിപ്പ് – rain alert in kerala and yellow alert in several district

Also Read : കേരളത്തിൽ കാലവ‍ർഷം കനക്കുമെന്ന് പഠനം; കേരള തീരത്ത് മഴമേഘങ്ങൾക്ക് ഘടനാ മാറ്റം

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, മലപ്പുറം എന്നീ ജില്ലകളിലാണ് യെല്ലോ അലേർട്ട് പ്രഖ്യാപിച്ചിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

അടുത്ത മൂന്ന് മണിക്കൂറിൽ കേരളത്തിലെ തിരുവനന്തപുരം, എറണാകുളം, തൃശ്ശൂർ എന്നീ ജില്ലകളിൽ ഒറ്റപ്പെട്ടയിടങ്ങളിൽ മിതമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

സംസ്ഥാനത്ത് കാലവർഷം കനക്കുമെന്ന് പഠനം. മഴ മേഘങ്ങളുടെ ഘടനാ മാറ്റമാണ് ഇതിനു കാരണമെന്ന് ‘നേച്ചർ’ മാഗസിന്റെ പോർട്ട്ഫോളിയോ ജേർണലിൽ പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമാക്കുന്നത്. ചിലയിടങ്ങളിൽ ഒറ്റപ്പെട്ട ശക്തമായ മഴക്കും, ഇടി മിന്നൽ അല്ലെങ്കിൽ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.

മൺസൂൺ കാലത്ത് ഇന്ത്യയുട പടിഞ്ഞാറൻ തീരത്ത് ലഭിക്കുന്ന മഴപ്പെയ്തിന്റെ സ്വഭാവത്തിൽ മാറ്റം വന്നതായി നാച്വർ മാഗസിന്റെ ലേഖനത്തിൽ പറയുന്നത്. 1980-1999, 2000-2019 എന്നീ രണ്ട് കാലയളവിൽ നടത്തിയ പഠനത്തിലാണ് മാറ്റം തിരിച്ചറിഞ്ഞത്.

അറബിക്കടലിന്റെ തീരമേഖലയിലെ ഉപരിതല താപനിലയിൽ ഉണ്ടായ ആശങ്കാജനകമായ വർദ്ധനയാണ് ഇതിൽ ഒന്നാമത്തെ കാരണമായി പറയുന്നത്. കൂടാതെ ‘ദക്ഷിണേഷ്യൻ സമ്മർ മൺസൂൺ സർക്കുലേഷനും’ തെക്കു പടിഞ്ഞാറൻ കാറ്റിന്റെ വേഗതയുടെ വർദ്ധനയും മഴയുടെ സ്വഭാവത്തെ സ്വാധീനിക്കുന്നതായി ഗവേഷകർ കണ്ടെത്തി.

തെക്ക് കിഴക്കൻ ബംഗാൾ ഉൾകടലിലും തെക്കൻ ആൻഡമാൻ കടലിലും മെയ്‌ 15 ഓടെ കാലവർഷം എത്തിച്ചേരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് വ്യക്തമാക്കുന്നു.

Also Read : ചങ്കിടിപ്പോടെ മുന്നണികൾ; ഉയരുമോ ആപ്പ് – ട്വൻ്റി 20 ബദൽ സഖ്യം? ഇന്ന് കെജ്രിവാൾ കൊച്ചിയിൽ

ഉച്ചക്ക് 2 മണി മുതൽ രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. ഇടിമിന്നൽ അപകടകാരികളാണ്. അവ മനുഷ്യൻറെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ ദൃശ്യമല്ല എന്നതിനാൽ ഇത്തരം മുൻകരുതൽ സ്വീകരിക്കുന്നതിൽ നിന്നും വിട്ടുനിൽക്കരുത്.