Keratin Treatment: മുടിക്ക് കെരാറ്റിൻ ട്രീറ്റ്മെന്റ് ചെയ്യുന്നതിന് മുമ്പും ശേഷവും ഈ കാര്യങ്ങൾ മറക്കല്ലേ – everything you need to know before and after undergoing keratin treatment

കെരാറ്റിൻ ട്രീറ്റ്‌മെന്റ്

കെരാറ്റിൻ ചികിത്സയ്ക്കിടെ, മുടിയിൽ കൃത്രിമമായി കെരാറ്റിൻ ചേർക്കുന്നു, അത് മുടിയുടെ പരുപരുത്ത അവസ്ഥ അകറ്റി, മുടി മിനുസമാർന്നതും തിളക്കമുള്ളതുമാക്കി മാറ്റുന്നു. ഒരു കെരാറ്റിൻ ചികിത്സ അടിസ്ഥാനപരമായി നഷ്ടപ്പെട്ട പ്രോട്ടീൻ നിങ്ങളുടെ മുടി ഇഴകളിലേക്ക് തിരികെ നൽകിക്കൊണ്ട് മുടിയെ പുനർനിർമ്മിക്കുന്നു.

സൗന്ദര്യം നോക്കുന്നവര്‍ക്ക് ബെസ്റ്റാണ് നാല്‍പാമരാദി തൈലം
ഫലങ്ങൾ

ഈ ചികിത്സ പട്ടുപോലെ മിനുസമാർന്ന മുടിക്ക് നൽകാൻ സഹായിക്കും, അതെ സമയം ഈ ചികിത്സ കുറച്ച് മാസങ്ങൾക്ക് ശേഷം ക്രമേണ മങ്ങുന്നു. ഒരു കെരാറ്റിൻ ചികിത്സ ഹെയർ സ്ട്രെയിറ്റനിങ് / റീബോണ്ടിംഗ് പ്രക്രിയയിൽ നിന്ന് വ്യത്യസ്തമാണ്. കെരാറ്റിൻ എന്ന ഘടകം അടിസ്ഥാനപരമായി ഒരു ശക്തമായ ഡീപ് കണ്ടീഷണർ പോലെയാണ്.

ചികിത്സയുടെ ഫലങ്ങളും ഒരു വ്യക്തിയിൽ നിന്ന് മറ്റൊരാളിലേക്ക് വ്യത്യാസപ്പെടുന്നു. ഇത് പ്രധാനമായും മുടിയുടെ കേടുപാടുകൾ സംഭവിച്ച ഭാഗങ്ങൾ പുനർനിർമ്മിക്കുകയാണ് ചെയ്യുന്നത്. തിളക്കമുള്ളതും പരുപരുത്തത് അല്ലാത്തതും കൈകാര്യം ചെയ്യാൻ എളുപ്പമുള്ളതുമായ മുടി ലഭിക്കുന്നു എന്നത് ഈ ചികിത്സയ്ക്കു ശേഷമുള്ള ചില നേട്ടങ്ങൾ. ചികിത്സയുടെ ഫലങ്ങൾ എല്ലാവർക്കും വ്യത്യസ്തമായിരിക്കും, അതിനാൽ നിങ്ങൾ ആഗ്രഹക്കുന്നത് പോലുള്ള സ്‌ട്രെയ്‌റ്റ് മുടി ലഭിച്ചില്ലെങ്കിൽ നിരാശപ്പെടരുത്. കെരാറ്റിൻ ട്രീറ്റ്‌മെന്റ് എന്നത് കൈകാര്യം ചെയ്യാവുന്നതും മിനുസമാർന്നതും മനോഹരവുമായ മുടിക്ക് യോഗ്യമായ ബ്ലോ-ഡ്രൈ ലുക്ക് ഉള്ള സ്റ്റൈൽ മുടിക്ക് നൽകാൻ സഹായിക്കും.

ചികിത്സയ്ക്ക് മുമ്പ്

നിങ്ങൾ സലൂണിലേക്ക് പോകുന്നതിന് മുമ്പ്, കെരാറ്റിൻ ചികിത്സ നിങ്ങളുടെ മുടിക്ക് അനുയോജ്യമാണോ എന്ന് ആദ്യം പരിശോധിക്കുക. നിങ്ങളുടെ ഉറ്റസുഹൃത്ത് ഇത് ചെയ്തു എന്നതുകൊണ്ട്, അത് നിങ്ങൾക്കും അനുയോജ്യമാകുമെന്ന് അർത്ഥമാക്കുന്നില്ല. പ്രമുഖ ഹെയർസ്റ്റൈലിസ്റ്റുകൾ പറയുന്നതനുസരിച്ച്, കെരാറ്റിൻ ട്രീറ്റ്മെന്റിന് വിധേയമാകാൻ ഏറ്റവും അനുയോജ്യം ചുരുണ്ട അല്ലെങ്കിൽ പരുപരുത്ത മുടിയാണ്. നേരെമറിച്ച്, നല്ലതും മിതമായ രീതിയിൽ സ്ട്രൈറ്റ് ആയതുമായ മുടിക്ക് കെരാറ്റിൻ ചികിത്സ പൂർണ്ണമായും ഒഴിവാക്കണം.

ചികിത്സയ്ക്ക് മുമ്പ് മറ്റൊരു പ്രധാന കാര്യം നിങ്ങളുടെ ഹെയർസ്റ്റൈലിസ്റ്റുമായി ബന്ധപ്പെടുക എന്നതാണ്. നിങ്ങളുടെ മുടിക്ക് വേണ്ടി വിശ്വസ്തനും പരിചയസമ്പന്നനുമായ ഒരു ഹെയർസ്റ്റൈലിസ്റ്റിനെ തിരഞ്ഞെടുക്കുന്നത് നല്ലതാണ്. സ്റ്റൈലിസ്റ്റുമായുള്ള കൂടിയാലോചന നിങ്ങളുടെ മുടിക്ക് ഏറ്റവും അനുയോജ്യമായ ഫോർമുല ലഭിക്കുമെന്ന് ഉറപ്പാക്കും. എല്ലാ കെരാറ്റിൻ ചികിത്സയും എല്ലാവരിലും ഒരുപോലെ അല്ലാത്തതിനാൽ ഇത് അത്യന്താപേക്ഷിതമാണ്. കൂടാതെ, ചികിത്സയെക്കുറിച്ച് മുൻകൂട്ടി വായിക്കുന്നത് സഹായിക്കും, കാരണം ഇത് എന്താണ് പ്രതീക്ഷിക്കേണ്ടതെന്നതിനെക്കുറിച്ച് നിങ്ങൾക്ക് നല്ല ധാരണ നൽകും. കൂടാതെ മുടിയുടെ നീളത്തിനനുസരിച്ച് വില മാറുന്നതിനാൽ ഈ ചികിത്സയുടെ വിലയെക്കുറിച്ച് ആദ്യം അന്വേഷിക്കാൻ മറക്കരുത്.

നല്ല കട്ടതാടി വളര്‍ത്തിയെടുക്കുവാന്‍ കുറച്ച് ടിപ്‌സ്
കെരാറ്റിൻ ട്രീറ്റ്മെന്റ് ചെയ്യുന്നത്

നിങ്ങൾ ഫ്രീ ആയിട്ടുള്ള ഒരു ദിവസം തന്നെ ഈ ചികിത്സ ചെയ്യാനായി തിരഞ്ഞെടുക്കുക, കാരണം ഇത് ഒരു നീണ്ട നേരം ആവശ്യമുള്ള ചികിത്സയാണ്. ചികിത്സ ഏകദേശം മൂന്ന് മണിക്കൂർ എങ്കിലും നീണ്ടുനിൽക്കും.

ചികിത്സയുടെ അന്തിമഫലം മിനുസമാർന്നതും തിളക്കമുള്ളതും കൈകാര്യം ചെയ്യാവുന്നതുമായ മുടിയായിരിക്കും, ഇത് ശരിയായ മുടി സംരക്ഷണ സംവിധാനത്തിലൂടെ കുറഞ്ഞത് മൂന്ന് മാസമെങ്കിലും നീണ്ടുനിൽക്കും.

പാർശ്വഫലങ്ങൾ

ഈ ചികിത്സയ്ക്ക് തെളിയിക്കപ്പെട്ട പാർശ്വഫലങ്ങളൊന്നുമില്ലെങ്കിലും, ഫോർമാൽഡിഹൈഡിന്റെ ഉപയോഗം പഠന വിധേയമാക്കേണ്ടതാണ്. വിവിധ ഗാർഹിക ഉൽപന്നങ്ങളുടെ നിർമ്മാണത്തിൽ ഈ കെമിക്കൽ ഉപയോഗിച്ചിട്ടുണ്ട്, തീർച്ചയായും അതുകൊണ്ട് തന്നെ ഇവ വളരെ സുരക്ഷിതമായി കണക്കാക്കില്ല. ഇക്കാരണത്താൽ, ചർമ്മത്തിലും കണ്ണുകളിലും നേരിയ പ്രകോപിപ്പിക്കലോ അണുബാധയോ ഉണ്ടാകാം. അതുകൊണ്ടാണ്, പരിശീലനം ലഭിച്ച ഒരു ഹെയർസ്റ്റൈലിസ്റ്റ് നടപടിക്രമം നടത്തുന്നത് വളരെ പ്രധാനമാണ്.

കെരാറ്റിൻ ട്രീറ്റ്മെന്റ് ചെയ്തതിന് ശേഷം

ചികിത്സയ്ക്ക് ശേഷം, നിങ്ങളുടെ മുടി കഴുകാനോ കുറഞ്ഞത് 48 മണിക്കൂറെങ്കിലും റബ്ബർ ബാൻഡ് ഉപയോഗിച്ച് കെട്ടാനോ അനുവാദമില്ലാത്തതിനാൽ നല്ല ഡ്രൈ ഷാംപൂ ഉപയോഗിക്കാൻ വിദഗ്ധർ ശുപാർശ ചെയ്യുന്നു. സ്റ്റൈലിസ്റ്റുകൾ സാധാരണയായി നിങ്ങളുടെ ഷാംപൂവിന് സൾഫേറ്റ് ഫ്രീ ഫോർമുല ഉപദേശിക്കുന്നു. ഷാംപൂ കേശ ചികിത്സയെ പ്രതിരോധിക്കാത്തതിനാൽ ഇത് ദീർഘായുസ്സ് ഉറപ്പാക്കും. നിങ്ങളുടെ പട്ടുപോലെ മിനുസമാർന്ന മുടി കൂടുതൽ നേരം നിലനിർത്താൻ, പരിചരണത്തിന് ശേഷമുള്ള ഉൽപ്പന്നങ്ങളെക്കുറിച്ച് നിങ്ങളുടെ ഹെയർഡ്രെസ്സറുമായി ബന്ധപ്പെടുക.

ഇത് സ്മൂത്തനിങ് / റീബോണ്ടിംഗ് എന്നിവയിൽ നിന്ന് വ്യത്യസ്തമാണോ?

കെരാറ്റിൻ ചികിത്സയിൽ, മുടിയുടെ ഘടന രാസപരമായി മാറ്റപ്പെടുന്നില്ല, പക്ഷേ മുടി തിളങ്ങുന്നതും കൈകാര്യം ചെയ്യാൻ എളുപ്പമുള്ളതുമാക്കി മറ്റുന്നതാണ്. കൂടാതെ, സ്മൂത്തനിങ്ങും റീബോണ്ടിംഗും ചെയ്യുന്നതിലൂടെ, ഈ ചികിത്സ മുടിയുടെ ഘടനയിൽ മാറ്റം വരുത്തുകയും മുടിഴികൾ മിനുസപ്പെടുത്തുകയും ചെയ്യുന്നു. റീബോണ്ടിംഗുമായി താരതമ്യപ്പെടുത്തുമ്പോൾ കെരാറ്റിൻ ചികിത്സ നിങ്ങൾക്ക് സ്വാഭാവിക രൂപം നൽകുന്നതിനാൽ ഫലവും വ്യത്യാസപ്പെടുന്നു.

കെരാറ്റിൻ ചികിത്സയുടെ വില

ഈ കേശ സംരക്ഷണ ചികിത്സയുടെ വില മുടിയുടെ നീളം, ഘടന, കനം എന്നിവയെ ആശ്രയിച്ചിരിക്കുന്നു. വ്യത്യസ്ത സലൂണുകളിൽ ഇതിനായി ഏത് ബ്രാൻഡും ഉൽപ്പന്നവും ഉപയോഗിക്കും എന്നതിനെ അനുസരിച്ചും ഇത് വ്യത്യാസപ്പെടുന്നു. എന്നിരുന്നാലും, ഈ ചികിത്സയ്ക്ക് വേണ്ടിവരുന്ന സാധാരണ ചെലവ് 6,000 രൂപയും അതിൽ കൂടുതലുമാണ്.