Assam Madrasa: മദ്രസയെന്ന വാക്ക് വേണ്ട; ഖുറാൻ വീട്ടിൽ പഠിപ്പിച്ചാൽ മതി; കുട്ടികൾ സയൻസ് പഠിക്കട്ടെ: അസം മുഖ്യമന്ത്രി – assam cm himanta sarma argues against madrasas

ബിജെപി അധികാരത്തിലെത്തിയ ശേഷം റോഡിലെ നിസ്കാരം അവസാനിപ്പിച്ചു: യോഗി ആദിത്യനാഥ്
“മദ്രസ എന്ന വാക്ക് ഉള്ളിടത്തോളം കാലം വിദ്യാർത്ഥികൾക്ക് ഡോക്ടറും എഞ്ചിനീയറും ആകുന്നതിനെക്കുറിച്ച് ചിന്തിക്കാനാകില്ല. മദ്രസയിൽ പോയാൽ ഡോക്ടറോ എഞ്ചിനീയറോ ആകാൻ കഴിയില്ലെന്ന് നിങ്ങൾ കുട്ടികളോട് പറഞ്ഞു നോക്കൂ. അവർ അവിടെ പോകുന്നത് സ്വയം അവസാനിപ്പിക്കും.” അസം മുഖ്യമന്ത്രി പറഞ്ഞു. അദ്ദേഹത്തിന്റെ വാക്കുകൾ പരിപാടിയിൽ പങ്കെടുത്തവർ വലിയ കരഘോഷത്തോടെയാണ് ഏറ്റെടുത്തത്.

“നിങ്ങൾക്ക് കുട്ടികളെ വീട്ടിൽ വെച്ച് ഖുറാൻ പഠിപ്പിക്കാം. കുട്ടികളെ മദ്രസയിൽ വിടുന്നത് മനുഷ്യാവകാശ ലംഘനമാണ്. സയൻസ്, ഗണിതം, ജീവശാസ്ത്രം, സസ്യശാസ്ത്രം, സുവോളജി എന്നിവ പഠിപ്പിക്കുന്നതിലാകണം ഊന്നൽ.” ഹിമന്ത ബിശ്വശർമ പറഞ്ഞു.

“കുട്ടികൾക്ക് മതഗ്രന്ഥം വീടുകളിൽ പഠിക്കാം. സ്കൂളുകളിൽ ഡോക്ടർ, എഞ്ചിനീയർ, പ്രൊഫസർ, ശാസ്ത്രജ്ഞർ ആകാനാണ് കുട്ടികൾ പഠിക്കേണ്ടത്.”

രാജ്യത്ത് ഏകീകൃത സിവിൽ കോഡും ജനസംഖ്യാ നിയന്ത്രണവും കൊണ്ടുവരണമെന്ന് രാജ് താക്കറെ
“ഇന്ത്യയിൽ ആരും മുസ്ലിങ്ങളായി ജനിച്ചിട്ടില്ല. ഇന്ത്യയിലെ എല്ലാവരും ഹിന്ദുക്കളായിരുന്നു. ഒരു കുട്ടിക്ക് അങ്ങേയറ്റം യോഗ്യതയുണ്ടെങ്കിൽ അതിന്റെ ക്രെഡിറ്റ് ഹിന്ദു ഭൂതകാലത്തിനാണ്.”

സർക്കാർ നിയന്ത്രണത്തിലുള്ള എല്ലാ മദ്രസകളും പൊതുവിദ്യാഭ്യാസ സ്ഥാപനങ്ങളാക്കാൻ 2020ലാണ് അസം സർക്കാർ തീരുമാനിച്ചത്. ഈ വർഷം അസം സർക്കാരിന്റെ തീരുമാനം ഗുവാഹത്തി ഹൈക്കോടതി ശരിവെച്ചിരുന്നു. സർക്കാർ സഹായം ലഭിക്കുന്ന എല്ലാ മദ്രസകളും പൊതുവിദ്യാഭ്യാസ സ്ഥാപനങ്ങളാക്കി മാറ്റണമെന്നാണ് വിധി. സർക്കാർ തീരുമാനത്തെ ചോദ്യം ചെയ്ത് 13 പേർ സമർപ്പിച്ച ഹർജിയിലാണ് കോടതി വിധി.