natural face pack: ചര്‍മ്മ സംരക്ഷണതിന് വീട്ടില്‍ തയ്യാറാക്കാവുന്ന ഫേയ്‌സ് പാക്ക്‌ പൗഡര്‍ – home made natural face pack power and its benefits

തയ്യാറാക്കുന്ന വിധം

കടലപ്പൊടി നന്നായി എടുക്കുക. ഇതിലേയ്ക്ക് നന്നായി കഴുകി ഉണക്കിവെച്ചിരിക്കുന്ന ആര്യവേപ്പ്, അതേപോലെ, മഞ്ഞള്‍ ഉണക്കിപ്പൊടിച്ചത് എന്നിവ ചേര്‍ക്കാവുന്നതാണ്. ഇത് മൊത്തത്തില്‍ നന്നായി മിക്‌സ് ചെയ്ത് ഒരു കുപ്പിയിലാക്കി സൂക്ഷിക്കാം. ഉപയോഗിക്കുവാന്‍ നേരത്ത് റോസ്വാട്ടര്‍ അല്ലെങ്കില്‍ കറ്റാര്‍വാഴ ജെല്‍, അല്ലെങ്കില്‍ സാധാ വെള്ളം എന്നിവ നിങ്ങളുടെ സ്‌കിന്‍ടോണ്‍ അനുസരിച്ച് ചേര്‍ത്ത് പേയ്സ്റ്റ് പരുവത്തിലാക്കി മുഖത്ത് തേച്ചു പിടിപ്പിക്കണം. ഇത് നന്നായി ഉണങ്ങിയതിനുശേഷംമാത്രം കഴുകി കളയുന്നത് നല്ലതാണ്. ഇത് സ്ഥിരമായി ഉപയോഗിക്കുന്നത് ചര്‍മ്മം മെച്ചപ്പെടുന്നതിനും ആരോഗ്യമുള്ളതായിരിക്കുന്നതിനും വളരെയധികം സഹായിക്കും.

ഗുണങ്ങള്‍ എന്തെല്ലാമെന്ന് നോക്കാം

കടലപ്പൊടി പൊതുവില്‍ നല്ലൊരു സ്‌ക്രബര്‍ ആയതിനാല്‍തന്നെ ഇത് മുഖത്തെ അഴുക്ക് നീക്കം ചെയ്ത് ചര്‍നമ്മം നല്ല ക്ലീന്‍ ആക്കുവാന്‍ സഹായിക്കുന്നുണ്ട്. മാത്രവുമല്ല ഇത് ചര്‍മ്മത്തിലെ മൃതകോശങ്ങളെ നീക്കം ചെയ്യുന്നതിനും മുഖത്ത് നല്ല രക്തോട്ടമുണ്ടാകുന്നതിനും സഹായിക്കുന്നു.

ഈ കടലപ്പൊടില്‍ ചേര്‍ക്കുന്ന ഏറ്റവും ഔഷധമൂല്യവും ചര്‍മ്മത്തിന് നല്ലതുമായ ഒരു സുഗന്ധവ്യജ്ഞനമാണ് മഞ്ഞള്‍. നമ്മള്‍ കറികളിലും മറ്റും ഉപയോഗിക്കുന്ന മഞ്ഞള്‍ നല്ലൊരു അണുനാശിനിയും സൗന്ദര്യം കൂട്ടുന്നതിന് സഹായിക്കുന്ന നല്ലൊരു ചേരുവയുമാണ്.

ഇതിലേയ്ക്ക് പച്ചമഞ്ഞളിനുപകരം കസ്തൂരി മഞ്ഞളും ചേര്‍ക്കാവുന്നതാണ്. കസ്തൂരിമഞ്ഞളിന് നല്ല സുഗ്ന്ധവും സ്‌കിന്‍ടോണ്‍ മെച്ചപ്പെടുത്തുവാനും അതുപോലെ ചര്‍മ്മത്തിലെ ടാണ്‍ നീക്കം ചെയ്ത് ചര്‍മ്മം കൂടുതല്‍ മൃദുവാക്കുവാനും ഇത് സംരക്ഷിക്കുന്നുണ്ട്.

പച്ചമഞ്ഞള്‍ ചര്‍മ്മത്തിലെ അണുക്കള്‍ നക്കം ചെയ്യുവാനും അതുപോലെ കുകരുക്കള്‍ പാടുകള്‍ എന്നിവയും അലര്‍ജിയുമെല്ലാം നീക്കം ചെയ്യുവാന്‍ ഏറ്റവും അനിയോജ്യമായ ചേരുവയാണ് പച്ചമഞ്ഞള്‍. ചിലര്‍ക്ക് മഞ്ഞള്‍ അലര്‍ജിയായിരിക്കും അതിനാല്‍ ഇത് ഒഴിവാക്കാവുന്നതാണ്.

മഞ്ഞള്‍പോലെതന്നെ ഏറ്റവും നല്ലതാണ് ആര്യവേപ്പും. ചര്‍മ്മത്തിലുണ്ടാകുന്ന അലര്‍ജിയും അതേപോലെ സോറിയാസീസ് പോലുള്ള പ്രശ്‌നങ്ങള്‍ പരിഹരിക്കുന്നതിനും മുഖത്ത് കുരുക്കള്‍ പൊന്തുന്നതിനുമെല്ലാം ആര്യവേപ്പ് ഉപയോഗിക്കുന്നത് വളരെ നല്ലതാണ്.

ആര്യവേപ്പ് ഉപയോഗിക്കുന്നതിലൂടെ ചര്‍മ്മം കൂടുതല്‍ ക്ലിയര്‍ ആക്കി കിട്ടുവാന്‍ സഹായിക്കുന്നു. ചര്‍മ്മത്തിലെ അണുക്കളെ നീക്കം ചെയ്ത് ചര്‍മ്മം കൂടുതല്‍ സുന്ദരവും നിറമുള്ളതു മാക്കുവാനും ആര്യവേപ്പില സഹായിക്കുന്നുണ്ട്.

മുഖത്തെ പ്രശ്‌നങ്ങള്‍ക്ക് മാത്രമല്ല, തലയിലെ താരന്‍ കളയുവാന്‍ ആര്യവേപ്പിന്റെ ഇല തിളപ്പിച്ച് അത് പിറ്റേന്ന് ഉപയോഗിച്ച് തലകഴുകിയാല്‍ തലയില്‍ നിന്നും താരന്‍ ഇല്ലാതാക്കുവാന്‍ സാധിക്കുന്നതാണ്.

മുടിയുടെ എല്ലാപ്രശ്‌നങ്ങളും ഒറ്റയടിക്കു തീര്‍ക്കും വെണ്ടക്ക പാക്ക്
ഉപയോഗിക്കേണ്ട വിധം

ദിവസവും രാത്രിയില്‍ ഇത് ഉപയോഗിക്കുന്നതാണ് കൂടുതല്‍ നല്ലത്. രാവിലെ ഉപയോഗിച്ച് പുറത്തേയ്ക്കിറങ്ങില്‍ ചര്‍മ്മം കൂടുതല്‍ ഇരുണ്ടാതാക്കുകയും ചെയ്യുന്നു. ഏതൊരു പാക്കായാലും രാത്രി ഉപയോഗിക്കുന്നതാണ് എല്ലായ്പ്ോഴും നല്ലത്. കൂടുതല്‍ ഫലം ലഭിക്കുന്നത് അപ്പോള്‍ ഉപയോഗിക്കുമ്പോള്‍ മാത്രമായിരിക്കും.

കൂടാതെ, ഇത് പൊടിച്ച് എടുക്കുമ്പോള്‍ വലിയതരികള്‍ ഇല്ലാതിരിക്കുവാനും വലിയതരികളോടെ പൊടിക്കാതിരിക്കുവാനും ശ്രദ്ധിക്കേണ്ടത് അനിവാര്യമാണ്. കാരണം. ഇത്തരത്തില്‍ വലിയ തരികള്‍ വന്നാല്‍ അത്, മുഖത്ത് പോറല്‍ ഉണ്ടാക്കുന്നതിന് കാരണമാകുന്നു.

ചെറിയ പാല്‍പാടയും ചേര്‍ത്ത് മുഖത്ത് ഇടുന്നത് മുഖം കബടുതല്‍ മോയ്ച്വര്‍ ആക്കി നിലനിര്‍ത്തുന്നതിനും സഹായിക്കുന്ന ഘടകമാണ്. ഇതില്‍ മഞ്ഞള്‍ അടങ്ങിയിരിക്കുന്നതിനാല്‍ വസ്ത്രങ്ങളില്‍ മഞ്ഞള്‍ കറ പറ്റാതെ നോക്കണം. കൂടാതെ കഴുകി കളയുവാന്‍ വീര്യം കുറഞ്ഞ ഫോയ്‌സ്വാഷ് ഉപയോഗിച്ചാല്‍ നല്ല റിസള്‍ട്ട് ലഭിക്കുന്നതായിരിക്കും.