Karnataka MLA Slaps Principal: ചോദ്യത്തിന് വ്യക്തമായ മറുപടി തന്നില്ല, പ്രിൻസിപ്പലിനെ തല്ലി എംഎൽഎ; വീഡിയോ – mandya mla and principal video goes viral in social media

ജൂൺ 20 നായിരുന്നു സംഭവം. മാണ്ഡ്യയിലെ നാൽവഡി കൃഷ്ണരാജ വെഡിയാർ ഐടിഐ കോളേജിൽ സന്ദ‍ർശനത്തിന് എത്തിയതായിരുന്നു സ്ഥലം എംഎൽഎ കൂടിയായ ശ്രീനിവാസ്. കോളേജിൻ്റെ കമ്പ്യൂട്ടർ ലാബ് നിർമാണം പുരോഗമിക്കുകയാണ്. ഇതുമായി ബന്ധപ്പെട്ട ചോദ്യത്തിന് പ്രിൻസിപ്പൽ വ്യക്തമായ മറുപടി നൽകാത്തതാണ് എംഎൽഎയെ പ്രകോപിപ്പിച്ചത്. പിന്നാലെ എംഎൽഎ ദേഷ്യപ്പെട്ട് പ്രിൻസിപ്പലിനു നേരെ കൈയുയർത്തുന്നതും അടി കൊടുക്കുന്നതും ദൃശ്യങ്ങളിൽ കാണാം. ഈ സമയം കോളേജ്
അധികൃതരും പ്രാദേശിക നേതാക്കളും സ്ഥലത്ത് ഉണ്ടായിരുന്നു.

ഇത് നാലാം തരംഗത്തിന്‍റെ മുന്നറിയിപ്പോ? അഞ്ച് ദിവസത്തിനിടെ കൊവിഡ് കേസുകളില്‍ 50 ശതമാനത്തിന്‍റെ വര്‍ധന

പ്രിൻസിപ്പലിനെ തല്ലുന്ന വീഡിയോ ട്വിറ്ററിലടക്കം വൈറലായതോടെ എംഎൽഎയ്‍ക്കെതിരെ വിമർശനവുമായി ആളുകൾ രംഗത്തെത്തി. പ്രിൻസിപ്പലിനെ തല്ലുന്നത് കണ്ടുനിന്ന മറ്റ് കോളേജ് അധികൃതർക്കെതിരെയും വിമർശനം ഉയർന്നു. സംഭവത്തിൽ പ്രിൻസിപ്പൽ പോലീസിനെ സമീപിച്ച് പരാതി നൽകണമെന്നും ചിലർ ആവശ്യപ്പെട്ടു.