Uddhav Thackeray Latest News: ‘വർഷ’ ഒഴിഞ്ഞു; ഉദ്ധവ് താക്കറെ ‘മാതോശ്രീ’യിൽ; പുഷ്പവൃഷ്ടിയുമായി ശിവസേന പ്രവർത്തകർ – maharashtra cm uddhav thackeray leave official residence and goes to matoshree

അതേസമയം ശിവസേന വിമത നേതാവ് ഏക്നാഥ് ഷിൻഡെയ്‍ക്കൊപ്പം എംഎൽഎമാർ അസമിലെ ഹോട്ടലിൽ തുടരുകയാണ്. ഇതിനിടെ എൻസിപി ദേശീയ അധ്യക്ഷൻ ശരദ് പവാർ, മകളും എംപിയുമായ സുപ്രിയ സുലെ എന്നിവർ ഔദ്യോഗിക വസതിയിൽ എത്തി ഉദ്ധവുമായി കൂടിക്കാഴ്ച നടത്തി. മഹാ വികാസ് അഘാഡി സഖ്യം തുടരണമെന്നും മുഖ്യമന്ത്രി സ്ഥാനം രാജിവെക്കേണ്ടെന്നും കൂടിക്കാഴ്ചയിൽ ശരദ് പവാർ ഉദ്ധവിനോട് പറഞ്ഞു. ഷിൻഡയെ മുഖ്യമന്ത്രിയാക്കുന്നതു പരിഗണിക്കാമമെന്നും മന്ത്രിസഭ പുനസംഘടിപ്പിക്കാമെന്നും പവാർ അറിയിച്ചു. ഇതിനു പിന്നാലെ ശിവസേന മഹാ വികാസ് അഘാഡി സഖ്യം അവസാനപ്പിക്കണമെന്ന് ആവശ്യപ്പെട്ട് ഏക്നാഥ് ഷിൻഡെ രംഗത്തെത്തി. സഖ്യം കൊണ്ട് ഗുണം ഉണ്ടായത് കോൺഗ്രസിനും എൻസിപിക്കും മാത്രമാണ്. ശിവസേന ദുർബലമായി. മഹാരാഷ്ട്രയുടെ താൽപര്യം കണക്കിലെടുത്ത് ഇക്കാര്യത്തിൽ തീരുമാനം എടുക്കണമെന്നും ഏക്നാഥ് ഷിൻഡെ ട്വീറ്റ് ചെയ്തു.

മുഖത്ത് നോക്കി പറയൂ, മുഖ്യമന്ത്രി സ്ഥാനം ഒഴിയാം; രാജിക്കത്ത് തയ്യാറെന്ന് ഉദ്ധവ് താക്കറെ

വിമത എംഎൽഎമാർ നേരിട്ടെത്തി തൻ്റെ രാജി ആവശ്യപ്പെട്ടാൽ മുഖ്യമന്ത്രി സ്ഥാനം ഒഴിയുമെന്ന് ഉദ്ധവ് താക്കറെ അറിയിച്ചരുന്നു. ശിവസേന അധ്യക്ഷ സ്ഥാനത്തുനിന്നും രാജിവെക്കാൻ തയ്യാറാണ്. വിമതരായ ആരെങ്കിലും തനിക്ക് എതിരാണെങ്കിൽ എന്തുകൊണ്ട് സൂറത്തിൽ ഇരുന്ന് പറയണം. ഇവിടെ നേരിട്ടെത്തി തൻ്റെ മുഖത്ത് നോക്കി പറയൂ. മുഖ്യമന്ത്രി സ്ഥാനം ഒഴിയാനുള്ള കത്ത് തയ്യാറാക്കി വെച്ചിട്ടുണ്ടെന്നും ഏതു നിമിഷവും രാജിവെക്കാൻ സന്നദ്ധനാണെന്നും വൈകുന്നേരം ഫേസ്ബുക്ക് ലൈവിലൂടെ ഉദ്ധവ് പ്രതികരിച്ചിരുന്നു. അതിനിടെ, നാലു ശിവസേന എംഎൽഎമാ‍‍ർ കൂടി വിമതർക്കൊപ്പം ചേർന്നു.