നേപ്പാളിൽ മാരകമായ ഏറ്റുമുട്ടലുകളെ തുടർന്ന് നൂറിലധികം രാജവാഴ്ച അനുകൂല പ്രതിഷേധക്കാർ അറസ്റ്റിൽ

കാഠ്മണ്ഡുവിൻ്റെ കിഴക്കൻ ഭാഗത്ത് സുരക്ഷാ ഉദ്യോഗസ്ഥരും രാജവാഴ്ചയെ അനുകൂലിക്കുന്ന പ്രതിഷേധക്കാരും തമ്മിലുള്ള അക്രമാസക്തമായ ഏറ്റുമുട്ടലിനെത്തുടർന്ന് നേപ്പാളിലെ അധികാരികൾ ശനിയാഴ്ച കർഫ്യൂ പിൻവലിച്ചു. പ്രദേശത്ത് സംഘർഷം കുറഞ്ഞതിനെത്തുടർന്ന് ശനിയാഴ്ചയാണ് കർഫ്യൂ പിൻവലിച്ചത്.

തലസ്ഥാനത്തെ ടിങ്കുനെ പ്രദേശത്ത് രാജവാഴ്ചയെ അനുകൂലിക്കുന്ന പ്രതിഷേധക്കാർ കല്ലെറിയുകയും ഒരു രാഷ്ട്രീയ പാർട്ടിയുടെ ഓഫീസ് ആക്രമിക്കുകയും വാഹനങ്ങൾക്ക് തീയിടുകയും കടകൾ കൊള്ളയടിക്കുകയും ചെയ്തതിനെ തുടർന്ന് വെള്ളിയാഴ്ച കാഠ്മണ്ഡുവിന്റെ ചില ഭാഗങ്ങളിൽ സംഘർഷാവസ്ഥ ഉടലെടുത്തു.

സുരക്ഷാ ഉദ്യോഗസ്ഥരും രാജവാഴ്ചയെ അനുകൂലിക്കുന്ന പ്രതിഷേധക്കാരും തമ്മിലുള്ള ഏറ്റുമുട്ടലിൽ ഒരു ടിവി ക്യാമറാമാൻ ഉൾപ്പെടെ രണ്ട് പേർ കൊല്ലപ്പെട്ടു. സ്ഥിതിഗതികൾ നിയന്ത്രിക്കാൻ പിന്നീട് സൈന്യത്തെ വിളിച്ചു.