തിരുവുത്സവം- മേടവിഷു പൂജകൾക്കായി ശബരിമല നട നാളെ തുറക്കും

തിരുവുത്സവത്തിനും മേട വിഷു പൂജകൾക്കുമായി ശബരിമല നട നാളെ തുറക്കും. വൈകിട്ട് നാല് മണിക്ക് ശബരിമല തന്ത്രി കണ്ഠരര് രാജീവരുടെ സാന്നിധ്യത്തിൽ മേൽശാന്തി അരുൺ കുമാർ നമ്പൂതിരി നടതുറക്കും.

തുടർച്ചയായി 18 ദിവസം ഭക്തർക്ക് ദർശനത്തിനുള്ള അവസരം ഉണ്ടാകും. 

ഏപ്രിൽ രണ്ടിന് രാവിലെ 9.45നും 10 .45 നും മധ്യേ തന്ത്രി കണ്ഠരര് രാജീവരുടെ കാർമികത്വത്തിൽ ഉത്സവത്തിന് കൊടിയേറും. 

ഏപ്രിൽ 11ന്  പമ്പാ നദിയിൽ ആറാട്ട് നടക്കും.

ഏപ്രിൽ 14 വിഷു ദിനത്തിൽ രാവിലെ നാലു മണി മുതൽ ഏഴുമണിവരെയാണ് വിഷുക്കണി ദർശനം ഒരുക്കിയിട്ടുള്ളത്.

വിഷുദിനത്തിൽ രാവിലെ ഏഴു മുതൽ അഭിഷേകം നടക്കും. 

പൂജകൾ പൂർത്തിയാക്കി ഏപ്രിൽ 18ന് രാത്രി 10 മണിക്കാണ് നട അടയ്ക്കുന്നത്.