മദ്യപിച്ച് വാഹനമോടിച്ചു; ഹൗസ് സ്പീക്കർ മൈക്ക് ജോൺസന്റെ ചീഫ് ഓഫ് സ്റ്റാഫിനെ അറസ്റ്റ് ചെയ്തു

വാഷിംഗ്ടൺ:  മദ്യപിച്ച് വാഹനമോടിച്ച കേസിൽ  ഹൗസ് സ്പീക്കർ മൈക്ക് ജോൺസന്റെ ചീഫ് ഓഫ് സ്റ്റാഫ്  ഹെയ്ഡൻ ഹെയ്ൻസിനെ  പോലീസ് അറസ്റ്റ് ചെയ്തു.

 ചൊവ്വാഴ്ച രാത്രി ട്രംപിന്റെ കോൺഗ്രസ് പ്രസംഗത്തിന് ശേഷമാണ് അറസ്റ്റ് നടന്നത്. രക്ത-മദ്യ പരിശോധന നടത്തിയോ എന്നതിനെക്കുറിച്ചോ ഹെയ്ൻസിന്റെ രക്തത്തിലെ മദ്യത്തിന്റെ അളവ് എന്താണെന്നതിനെക്കുറിച്ചോ വിശദാംശങ്ങളൊന്നും ലഭ്യമല്ല. സംഭവം നടന്ന സ്ഥലം പോലീസ് വ്യക്തമാക്കിയിട്ടില്ല.

ഒരു പതിറ്റാണ്ടിലേറെയായി ഹെയ്ൻസിനെ തനിക്ക് അറിയാമെന്നും അദ്ദേഹം വിശ്വസനീയനും ബഹുമാന്യനുമാണെന്നും, പൂർണ്ണ വിശ്വാസവും ആത്മവിശ്വാസവും അദ്ദേഹത്തിന്മേൽ ഉണ്ടെന്നും  ജോൺസൺ മാധ്യമപ്രവർത്തകരോട് പറഞ്ഞു.