ഇനി പഴയ പണി നടക്കില്ല; രാജ്യത്തെ ‍ഡ്രൈവിങ് ലൈസൻസ് നിയമങ്ങള്‍ ജൂണ്‍ ഒന്ന് മുതല്‍ മാറുന്നു

ഇന്ത്യയില്‍ ഡ്രൈവിങ് ലൈസൻസ് ലഭിക്കുകയെന്നത് അത്ര എളുപ്പമുള്ള കാര്യമല്ല. അപേക്ഷിക്കുന്നത് മുതല്‍ ഡ്രൈവിങ് ടെസ്റ്റില്‍ വിജയിക്കുന്നത് വരെ നിരവധി ഘട്ടങ്ങളിലൂടെ പോയി വേണം ലൈസൻസ് ലഭിക്കാൻ. പല തവണ ആർടിഒ ഓഫീസ് കയറിയിറങ്ങിയിട്ടായിരിക്കും പലർക്കും ലൈസൻസ് ലഭിച്ചിരിക്കുക

May 24, 2024 - 16:57
 0  16
ഇനി പഴയ പണി നടക്കില്ല; രാജ്യത്തെ ‍ഡ്രൈവിങ് ലൈസൻസ് നിയമങ്ങള്‍ ജൂണ്‍ ഒന്ന് മുതല്‍ മാറുന്നു
: :
playing
ന്ത്യയില്‍ ഡ്രൈവിങ് ലൈസൻസ് ലഭിക്കുകയെന്നത് അത്ര എളുപ്പമുള്ള കാര്യമല്ല. അപേക്ഷിക്കുന്നത് മുതല്‍ ഡ്രൈവിങ് ടെസ്റ്റില്‍ വിജയിക്കുന്നത് വരെ നിരവധി ഘട്ടങ്ങളിലൂടെ പോയി വേണം ലൈസൻസ് ലഭിക്കാൻ.
പല തവണ ആർടിഒ ഓഫീസ് കയറിയിറങ്ങിയിട്ടായിരിക്കും പലർക്കും ലൈസൻസ് ലഭിച്ചിരിക്കുക. നിയമത്തിൻെറ നൂലാമാലകള്‍ ഉദ്യോഗസ്ഥരുടെ അലസതയുമെല്ലാം പലപ്പോഴും പ്രതിസന്ധികള്‍ സൃഷ്ടിക്കാറുണ്ട്. ഈ പ്രശ്നങ്ങളെല്ലാം പരിഹരിക്കാൻ ജൂണ്‍ 1 മുതല്‍ രാജ്യത്തെ ഡ്രൈവിങ് ലൈസൻസ് നിയമങ്ങളില്‍ പരിഷ്കാരം വരുത്തിയിരിക്കുകയാണ് കേന്ദ്ര റോഡ് ഗതാഗത മന്ത്രാലയം. നിയമങ്ങളിലെ പ്രധാനപ്പെട്ട മാറ്റങ്ങള്‍ എന്തെല്ലാമെന്ന് അറിയാം...

പിഴ വർധിപ്പിക്കും

ഗതാഗത നിയമങ്ങള്‍ ലംഘിക്കുന്നവർക്കെതിരെ കൂടുതല്‍ പിഴ ചുമത്താനാണ് പുതിയ തീരുമാനം. അമിത വേഗതയില്‍ വാഹനം ഓടിക്കുന്നവർ അടയ്ക്കേണ്ട പിഴത്തുക വർധിക്കും. ലൈസൻസ് ഇല്ലാതെ വാഹനം ഓടിക്കുന്നവർ 1000 രൂപ മുതല്‍ 2000 രൂപ വരെ പിഴ അടയ്ക്കേണ്ടി വരും. പ്രായപൂർത്തിയാകാത്തവർ വാഹനം ഓടിച്ച്‌ പിടിക്കപ്പെട്ടാല്‍ അവരുടെ രക്ഷിതാക്കള്‍ നിയമ നടപടി നേരിടേണ്ടി വരും. 25000 രൂപ പിഴ അടയ്ക്കേണ്ടിയും വരും. 25 വയസ്സ് തികയുന്നത് വരെ ഇവർക്ക് ലൈസൻസ് അനുവദിക്കില്ല.

ആർടിഒ ഓഫീല്‍ നിന്ന് തന്നെ ഡ്രൈവിങ് ടെസ്റ്റ് ചെയ്യേണ്ടതില്ല

ലൈസൻസിനായി അപേക്ഷിക്കുന്നവർ പ്രാദേശിക ആർടി ഓഫീസില്‍ നിന്ന് തന്നെ ഡ്രൈവിങ് ടെസ്റ്റ് ചെയ്യണമെന്ന നിർബന്ധം ഇനിയുണ്ടാവില്ല. സ്വകാര്യ സ്ഥാപനങ്ങള്‍ക്ക് ഡ്രൈവിങ് ടെസ്റ്റ് നടത്താനുള്ള അനുമതി നടത്താനുള്ള ശ്രമത്തിലാണ് കേന്ദ്ര സർക്കാർ.

സ്വകാര്യ ഡ്രൈവിങ് സ്കൂളുകള്‍ക്കായിരിക്കും ടെസ്റ്റ് നടത്താനുള്ള അനുമതി നല്‍കുക. ഇതിനായി യോഗ്യത നേടാൻ ചില മാനദണ്ഡങ്ങള്‍ പുറത്തിറക്കിയിട്ടുണ്ട്. ടെസ്റ്റ് ചെയ്യാൻ ആവശ്യത്തിന് സ്ഥലവും സൌകര്യവും യോഗ്യതയുള്ള ആളുകളുമുള്ള സ്ഥാപനങ്ങള്‍ക്ക് മാത്രമേ ടെസ്റ്റ് നടത്താൻ അനുമതി നല്‍കുകയുള്ളൂ.

അപേക്ഷ മുതല്‍ ലൈസൻസ് വരെ ഇനിയെളുപ്പം...

ഡ്രൈവിങ് ലൈസൻസിന് അപേക്ഷിക്കുന്നത് മുതല്‍ അത് കയ്യില്‍ കിട്ടുന്നത് വരെയുള്ള പ്രക്രിയ കൂടുതല്‍ എളുപ്പമാക്കിയിരിക്കുകയാണ് കേന്ദ്ര ഗതാഗത മന്ത്രാലയം. ഓണ്‍ലൈനായും ആർടിഒ ഓഫീസുകളില്‍ നേരിട്ടും ഡ്രൈവിങ് ലൈസൻസിനായി അപേക്ഷ സമർപ്പിക്കാവുന്നതാണ്. ഇരു ചക്ര വാഹനങ്ങളുടെ ലൈസൻസിന് അപേക്ഷിക്കുന്നവരും നാല് ചക്ര വാഹനങ്ങളുടെ ലൈസൻസിന് അപേക്ഷിക്കുന്നവരും നല്‍കേണ്ട രേഖകളില്‍ വ്യത്യാസമുണ്ടാവും.

ഫീസ് അറിയാം

പുതിയ നിയമം പ്രകാരം ലേണേഴ്സ് ലൈസൻസിന് അപേക്ഷിക്കാൻ 150 രൂപയാണ് നല്‍കേണ്ടത്. ടെസ്റ്റിനും റീ ടെസ്റ്റിനും 50 രൂപയായിരിക്കും അധിക ഫീസ്. സാധാരണ ഡ്രൈവിങ് ടെസ്റ്റിനും റീ ടെസ്റ്റിനും 300 രൂപയാണ് ഫീസ്. ഡ്രൈവിങ് ലൈസൻസ് ലഭിക്കുന്നതിന് 200 രൂപയാണ് അടയ്ക്കേണ്ടതായി വരിക. അന്താരാഷ്ട്ര ഡ്രൈവിങ് പെർമിറ്റിന് 1000 രൂപയാണ് അടയ്ക്കേണ്ടത്. ചരക്കുഗതാഗത വാഹനങ്ങളുടെ ലൈസൻസിന് അപേക്ഷിക്കുന്നവർ 200 രൂപയാണ് ഫീസ് അടയ്ക്കേണ്ടത്. ലൈസൻസ് പുതുക്കുന്നതിനും 200 രൂപ ഫീസ് വേണ്ടി വരും.

What's Your Reaction?

like

dislike

love

funny

angry

sad

wow