ഇൻസ്റ്റഗ്രാം വഴി വിവാഹവാഗ്ദാനം നൽകി യുവാവിൽ നിന്ന് 20 ലക്ഷത്തിലേറെ രൂപ തട്ടിയെടുത്തെന്ന് പരാതി; യുവതിക്കെതിരെ കേസെടുത്ത് പോലീസ്

📜 ഇന്നത്തെ പ്രധാന വാർത്താ സമാഹാരം വ്യാഴാഴ്ച, 05 നവംബർ 2026

ഇൻസ്റ്റഗ്രാം വഴി വിവാഹവാഗ്ദാനം നൽകി യുവാവിൽ നിന്ന് 20 ലക്ഷത്തിലേറെ രൂപ തട്ടിയെടുത്തെന്ന് പരാതി; യുവതിക്കെതിരെ കേസെടുത്ത് പോലീസ്

ഇൻസ്റ്റഗ്രാം വഴി പരിചയപ്പെട്ട് വിവാഹവാഗ്ദാനം നൽകി യുവാവിൽനിന്ന് 20,81,450 രൂപ തട്ടിയെടുത്തെന്ന പരാതിയിൽ യുവതിക്കെതിരെ പൊലീസ് കേസെടുത്തു. തിരുവനന്തപുരം സ്വദേശിനിയായ ഹൈമയ്ക്കെതിരെയാണ് ചേവായൂർ പൊലീസ് കേസെടുത്ത് അന്വേഷണം ആരംഭിച്ചിരിക്കുന്നത്. കോഴിക്കോട് കക്കോടി സ്വദേശിയായ യുവാവാണ് സംഭവത്തിൽ പരാതി നൽകിയിരിക്കുന്നത്.പരാതിയുടെ അടിസ്ഥാനത്തിൽ ഭാരതീയ ന്യായ സംഹിതയിലെ 316(2), 318(4) വകുപ്പുകൾ പ്രകാരമാണ് പൊലീസ് കേസെടുത്തിട്ടുള്ളത്. സംഭവത്തിൽ സമഗ്രമായ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.ഇൻസ്റ്റഗ്രാം വഴിയാണ് ഇരുവരും പരിചയപ്പെടുന്നത്.നേരിൽ ഒരിക്കൽപ്പോലും കണ്ടിട്ടില്ലെങ്കിലും പിന്നീട് ഈ സൗഹൃദം പ്രണയബന്ധമായി വളരുകയായിരുന്നു.പിന്നാലെ യുവതി യുവാവിന് വിവാഹവാഗ്ദാനം നൽകുകയും ചെയ്തെന്നാണ് പരാതിയിൽ പറയുന്നത്.കാൻസർ ചികിത്സയ്ക്കായി പണം ആവശ്യമുണ്ടെന്നതടക്കമുള്ള വിവിധ ന്യായങ്ങൾ പറഞ്ഞ് യുവതി പലതവണ പണം ആവശ്യപ്പെടുകയായിരുന്നു.

കേരളം

തിരുവനന്തപുരം കുറ്റിയാനിയിൽ തോട്ടിലേക്ക് ഓട്ടോ മറിഞ്ഞ് കാണാതായ വയോധികന്റെ മൃതദേഹം കണ്ടെത്തി

കുറ്റിയാനിയിൽ വേക്കിനാട് തോട്ടിലേക്ക് ഓട്ടോ മറിഞ്ഞ് കാണാതായ വയോധികന്റെ മൃതദേഹം കണ്ടെത്തി.വിദ്യാധരന്റെ മൃതദേഹം ആണ് 17 കിലോമീറ്റർ അകലെ നിന്ന് കണ്ടെത്തിയത്. മൂന്ന് ദിവസം മുൻപ് വിദ്യാധരനും ഭാര്യയും ഒരു വിവാഹ ചടങ്ങിൽ പങ്കെടുത്ത് മടങ്ങവെയായിരുന്നു അപകടം നടന്നത്.കനത്ത മഴയെ തുടർന്ന് കുത്തിയൊലിച്ച തോട്ടിലേക്ക് ഇവർ സഞ്ചരിച്ച ഓട്ടോറിക്ഷ മറിയുകയായിരുന്നു. ഭാര്യ ലതകുമാരിയെ നാട്ടുകാർ ചേർന്ന് രക്ഷപ്പെടുത്തിയിരുന്നു.കഴി‍ഞ്ഞ ദിവസങ്ങളിലെല്ലാം അന്വേഷണം ഊർജിതമായി നടക്കുന്നുണ്ടായിരുന്നു.ഫയർഫോഴ്സും നാട്ടുകാരും ചേർന്ന് തെരഞ്ഞെങ്കിലും വിദ്യാധരനെ കണ്ടെത്താൻ സാധിച്ചില്ല.തുടർന്ന്, 187 കിലോമീറ്ററിന് അപ്പുറം ആറ്റിങ്ങൽ മാമത്ത് നിന്നാണ് മൃതദേഹം ഇന്ന് കണ്ടെത്തിയത്.

കേരളം

ശബരിമല തീർത്ഥാടകർക്ക് സമഗ്ര ഡിജിറ്റൽ സഹായം; 'ശബരി പോർട്ടൽ' നിലവിൽ

ശബരിമല തീർത്ഥാടനത്തിനെത്തുന്ന ഭക്തർക്ക് ആവശ്യമായ വിവരങ്ങളും സേവനങ്ങളും പരാതി പരിഹാര മാർഗ്ഗങ്ങളും ഇനി ഒരൊറ്റ ഡിജിറ്റൽ പ്ലാറ്റ്‌ഫോമിൽ ലഭിക്കും. പത്തനംതിട്ട ജില്ലാ ദുരന്തനിവാരണ അതോറിറ്റിയാണ് 'ശബരി പോർട്ടൽ' എന്ന വെബ് അധിഷ്ഠിത സംവിധാനവും ഒരു വാട്‌സാപ്പ് ചാറ്റ്ബോട്ടും ഇതിനായി ഒരുക്കിയിരിക്കുന്നത്. http://www.sabariportaldcpta.in എന്ന വെബ്സൈറ്റിലൂടെ തീർത്ഥാടകർക്ക് ഈ സേവനങ്ങൾ പ്രയോജനപ്പെടുത്താൻ സാധിക്കും.ശബരിമലയുടെ ചരിത്രത്തിൽ ആദ്യമായിട്ടാണ് തീർത്ഥാടനവുമായി ബന്ധപ്പെട്ട എല്ലാ സേവനങ്ങളും ഒരുമിപ്പിച്ച് ഒരു ഏകീകൃത പോർട്ടൽ തയ്യാറാക്കുന്നത്. പത്തനംതിട്ട കളക്ടറേറ്റിലെ ജൂനിയർ സൂപ്രണ്ടായ അജിത് ശ്രീനിവാസ്, ലാൻഡ് റെവന്യൂ കമ്മീഷണറേറ്റിലെ റെവന്യൂ ഇൻസ്പെക്ടറായ ബി യോഗേഷ് എന്നിവരാണ് ഈ സംവിധാനം വികസിപ്പിച്ചെടുത്തത്.സന്നിധാനത്തിലെ പൂജാ സമയങ്ങളും വെർച്വൽ ക്യൂ ബുക്കിംഗിനായുള്ള നേരിട്ടുള്ള ലിങ്കുകളും ശബരി പോർട്ടലിൽ ലഭ്യമാണ്. പമ്പ, നിലയ്ക്കൽ, സന്നിധാനം എന്നിവിടങ്ങളിലെ കുടിവെള്ള കേന്ദ്രങ്ങൾ, ശൗചാലയങ്ങൾ, ആരോഗ്യകേന്ദ്രങ്ങൾ, ആശുപത്രികൾ, പോലീസ് സേവനങ്ങൾ, പാർക്കിംഗ് കേന്ദ്രങ്ങൾ എന്നിവയുടെ കൃത്യമായ ലൊക്കേഷൻ ഭൂപടത്തിലൂടെ കണ്ടെത്താൻ 'ശബരി മാപ്പ്' സഹായിക്കും.

പരസ്യം • സ്പോൺസർ ചെയ്തത്

Delicious Delights

സന്ദർശിക്കുക →