ഗ്രീൻലാൻഡ് സ്വന്തമാക്കാനുള്ള ട്രംപിന്റെ നീക്കത്തിന് കനത്ത തിരിച്ചടി; വിട്ടുകൊടുക്കില്ലെന്ന് പ്രഖ്യാപിച്ച് പാർട്ടി നേതാക്കൾ

ഗ്രീൻലാൻഡിന്റെ നിയന്ത്രണം ഏറ്റെടുക്കാനുള്ള അമേരിക്കൻ പ്രസിഡന്റ് ഡൊണാൾഡ് ട്രംപിന്റെ താൽപ്പര്യത്തെ ദ്വീപിലെ പ്രമുഖ രാഷ്ട്രീയ പാർട്ടി നേതാക്കൾ ശക്തമായി തള്ളിക്കളഞ്ഞു. തങ്ങളുടെ രാജ്യം വിൽപനയ്ക്കുള്ളതല്ലെന്നും അമേരിക്കൻ അധിനിവേശത്തെ ഒരുതരത്തിലും അംഗീകരിക്കില്ലെന്നും അവർ വ്യക്തമാക്കി. പ്രസിഡന്റ് ഡൊണാൾഡ് ട്രംപിന്റെ നീക്കങ്ങൾക്കെതിരെ ഭരണപക്ഷവും പ്രതിപക്ഷവും ഒരേ സ്വരത്തിലാണ് ഇപ്പോൾ പ്രതികരിച്ചിരിക്കുന്നത്.

ദ്വീപിന്റെ പരമാധികാരത്തിൽ വിട്ടുവീഴ്ച ചെയ്യാൻ കഴിയില്ലെന്നും ഗ്രീൻലാൻഡിന്റെ ഭാവി അവിടുത്തെ ജനങ്ങൾ തന്നെ തീരുമാനിക്കുമെന്നും നേതാക്കൾ ആവർത്തിച്ചു. അമേരിക്കയുടെ തന്ത്രപ്രധാനമായ താൽപ്പര്യങ്ങൾക്ക് ദ്വീപ് ആവശ്യമായിരിക്കാം, എന്നാൽ ഇത് ജനാധിപത്യപരമായ നിലപാടല്ലെന്ന് രാഷ്ട്രീയ നേതൃത്വം ചൂണ്ടിക്കാട്ടി. അന്താരാഷ്ട്ര തലത്തിൽ വലിയ നയതന്ത്ര പോരാട്ടത്തിന് ഈ വിഷയം വഴിവെച്ചിരിക്കുകയാണ്.

അമേരിക്കൻ പ്രസിഡന്റ് ഡൊണാൾഡ് ട്രംപ് ഗ്രീൻലാൻഡ് ഏറ്റെടുക്കുന്നത് സംബന്ധിച്ച ചർച്ചകൾ മുൻപും നടത്തിയിരുന്നു. എന്നാൽ പുതിയ സാഹചര്യത്തിൽ ഇത് വീണ്ടും സജീവമാക്കിയത് ഡെന്മാർക്കിനെയും ഗ്രീൻലാൻഡിനെയും ഒരുപോലെ ചൊടിപ്പിച്ചിട്ടുണ്ട്. ദ്വീപിലെ സ്വഭാവിക വിഭവങ്ങളും ആർട്ടിക് മേഖലയിലെ സൈനിക പ്രാധാന്യവുമാണ് അമേരിക്കയെ ഇവിടേക്ക് ആകർഷിക്കുന്നത്.