-20201004103051.png)
വിദേശ സഹായം നല്കല്: കോടിക്കണക്കിന് രൂപ വെട്ടിക്കുറയ്ക്കാന് അനുവദിക്കണമെന്ന് സുപ്രീം കോടതിയോട് ട്രംപ്
ന്യൂയോര്ക്ക്: വിദേശ സഹായം നല്കുന്നതില് നിന്ന് കോടിക്കണക്കിന് രൂപ വെട്ടിക്കുറയ്ക്കാന് അനുവദിക്കണമെന്ന് സുപ്രീം കോടതിയോട് ട്രംപ് അഭ്യര്ത്ഥിച്ചു. 4 ബില്യണ് ഡോളറിലധികം (£3 ബില്യണ്) വിദേശ സഹായം തടഞ്ഞുവയ്ക്കാന് അനുവദിക്കണമെന്നാണ് യുഎസ് പ്രസിഡന്റ് ഡൊണാള്ഡ് ട്രംപിന്റെ ഭരണകൂടം സുപ്രീം കോടതിയോട് ആവശ്യപ്പെട്ടിരിക്കുന്നത്.
കോണ്ഗ്രസ് ഇതിനകം അനുവദിച്ച വിദേശ സഹായ പദ്ധതികള്ക്കുള്ള ഫണ്ട് തിരിച്ചുപിടിക്കാന് ശ്രമിക്കുന്നതിന്റെ ഭാഗമായാണ് ഭരണകൂടം അടിയന്തര ഉത്തരവ് തേടുന്നത്. ട്രംപ് ഭരണകൂടത്തിന് പണം ചെലവഴിക്കാന് നിയമപരമായ ബാധ്യതയുണ്ടെന്ന് കഴിഞ്ഞ ആഴ്ച ഒരു കീഴ്ക്കോടതി വ്യക്തമാക്കിയിരുന്നു. കഴിഞ്ഞ വെള്ളിയാഴ്ച അപ്പീല് കോടതി ആ വിധി മരവിപ്പിക്കാന് വിസമ്മതിച്ചിരുന്നു.
ഫണ്ട് പിന്വലിക്കാന് പ്രസിഡന്റ് അപൂര്വ്വമായി ഉപയോഗിക്കുന്ന ഒരു നിയമനിര്മ്മാണ ഉപയോഗിക്കാന് ശ്രമിച്ചിരുന്നു. തന്റെ ലക്ഷ്യങ്ങളുമായി പൊരുത്തപ്പെടുന്നില്ലെന്ന് വ്യക്തമാക്കി ട്രംപ് കോടിക്കണക്കിന് ഡോളര് വിദേശ സഹായം റദ്ദാക്കിയിരുന്നു.
