'സംഘാവ്' എന്ന് വിളിക്കേണ്ട സാഹചര്യം, സഖാവിനെയും സംഘിയെയും തിരിച്ചറിയാന് കഴിയാത്ത അവസ്ഥ; ഷാഫി പറമ്പില്
പ്രസിദ്ധീകരിച്ചത്: 23 Jan, 2026
സിപിഐഎമ്മിനെതിരെ രൂക്ഷ വിമര്ശനവുമായി ഷാഫി പറമ്പില് എം പി. ബിജെപിയേക്കാള് വര്ഗീയത സിപിഐഎം മന്ത്രിമാര് പറയുകയാണെന്നും സിപിഐഎമ്മിന്റെ പൊളിറ്റ് ബ്യൂറോയുടെ തലപ്പത്ത് നരേന്ദ്രമോദിയാണെന്നും ഷാഫി പറമ്പില് വിമർശിച്ചു.
കോഴിക്കോട് നടന്ന പരിപാടിയില് സംസാരിക്കവെയാണ് ഷാഫിയുടെ വിമര്ശനം. സഖാവിനെയും സംഘിയെയും തിരിച്ചറിയാന് കഴിയാത്ത സ്ഥിതിയാണുളളതെന്നും സംഘാവ് എന്ന് വിളിക്കേണ്ട അവസ്ഥയാണെന്നും അദ്ദേഹം പറഞ്ഞു.'ഒരു മന്ത്രി എഴുന്നേറ്റ് നിന്ന് പറയുകയാണ് ജയിച്ചവരുടെ മതം നോക്കിയാല്, പേര് നോക്കിയാല് കാര്യം മനസിലാകുമെന്ന്. സമരം നടത്തുന്നവരുടെ വസ്ത്രം നോക്കിയാല് ആളെ മനസിലാകുമെന്ന് പറഞ്ഞ നരേന്ദ്രമോദിയുടെ അതേ ഭാഷയും ശൈലിയും ആശയവും സജി ചെറിയാനിലുമുണ്ടെങ്കില് കേരളത്തെ എങ്ങോട്ട് കൊണ്ടുപോകാനാണ് ഇവര് ആഗ്രഹിക്കുന്നതെന്ന് ആലോചിച്ച് നോക്കുക.
