ഇസ്ലാമാബാദ് ചർച്ച പാളി! ഇറാൻ വ്യവസ്ഥകൾ അംഗീകരിച്ചില്ല, അമേരിക്കയിലേക്ക് മടങ്ങുകയാണെന്ന് ജെഡി വാൻസ്

ധാരണയിലെത്താൻ കഴിയാത്തതിനാൽ അമേരിക്കയും ഇറാനും തമ്മിലുള്ള ചർച്ചകൾ പരാജയപ്പെട്ടു. ഏകദേശം 40 ദിവസം നീണ്ടുനിന്ന മിഡിൽ ഈസ്റ്റ് യുദ്ധത്തിൽ ഇരു കക്ഷികളും ഒരു കരാറിനും സന്നദ്ധത പ്രകടിപ്പിച്ചില്ല. 

രണ്ടാഴ്ചത്തെ താൽക്കാലിക വെടിനിർത്തലിനെ ദീർഘകാല കരാറാക്കാൻ കൂടി ലക്ഷ്യമിട്ടാണ് പാകിസ്ഥാനിലെ ഇസ്ലാമാബാദിൽ കൂടിക്കാഴ്ച നടന്നത്. എന്നാൽ ഹോർമുസ് കടലിടുക്ക് വീണ്ടും തുറക്കുന്നത് പോലുള്ള ഒന്നിലധികം വിഷയങ്ങൾ പ്രധാന തടസ്സമായതിനാൽ വാഷിംഗ്ടണും ടെഹ്‌റാനും തമ്മിൽ ഒരു കരാറും അംഗീകരിച്ചില്ല.