ഫോൺ വില കുറയും: 25,000 രൂപയിൽ താഴെയുള്ള മൊബൈലുകളുടെ ജി.എസ്.ടി കുറയ്ക്കാൻ തീരുമാനം

രാജ്യത്ത് മൊബൈൽ ഫോണുകളുടെ ജി.എസ്.ടി (GST) നിരക്ക് കുറയ്ക്കാനുള്ള നീക്കങ്ങളുമായി കേന്ദ്ര സർക്കാർ മുന്നോട്ട്. വരാനിരിക്കുന്ന ജി.എസ്.ടി കൗൺസിൽ യോഗത്തിൽ ഇതുസംബന്ധിച്ച തീരുമാനം ഉണ്ടായേക്കും. നിലവിൽ 18 ശതമാനമാണ് മൊബൈൽ ഫോണുകൾക്ക് ഈടാക്കുന്ന ജി.എസ്.ടി നിരക്ക്.

ഇത് 25,000 രൂപയിൽ താഴെ വിലവരുന്ന ഫോണുകൾക്ക് മാത്രമായി കുറയ്ക്കാനാണ് ആലോചന.  രാജ്യത്ത് സ്മാർട്ട്ഫോൺ വിൽപനയിൽ മന്ദഗതി നേരിടുന്നു എന്ന റിപ്പോർട്ടുകളുടെ അടിസ്ഥാനത്തിലാണ് നികുതി ഇളവ് നൽകാൻ സർക്കാർ ആലോചിക്കുന്നത്. ഇന്ത്യയിൽ വിറ്റഴിക്കപ്പെടുന്ന ഫോണുകളിൽ മൂന്നിൽ രണ്ട് ഭാഗവും 25,000 രൂപയിൽ താഴെ വിലയുള്ള വിഭാഗത്തിൽപ്പെടുന്നതാണ്.