കോഴിക്കോട്ട് പട്രോളിങ്ങിനിടെ പൊലീസിന് നേരെ ആക്രമണം; രണ്ടുപേർ കസ്റ്റഡിയിൽ

കോഴിക്കോട് നഗരത്തിൽ പട്രോളിങ്ങിനിടെ പൊലീസിന് നേരെ ആക്രമണം. ടൗൺ പൊലീസ് സ്റ്റേഷനിലെ ഉദ്യോഗസ്ഥനാണ് ആക്രമണത്തിനിരയായത്. 

ഇന്നലെ അര്‍ധ രാത്രി മാനാഞ്ചിറ സ്ക്വയറിൽ വച്ചാണ് സംഭവം നടന്നത്.മാനാഞ്ചിറ സ്ക്വയറിന് സമീപം പെട്രോളിങ് നടത്തുന്നതിനിടെ ഒരു സംഘത്തിലുണ്ടായിരുന്നയാൾ സിറിഞ്ച് ഉപയോഗിച്ച് പൊലീസ് ഉദ്യോഗസ്ഥനെ കുത്തി പരിക്കേൽപ്പിക്കുകയായിരുന്നു. 

സംഭവവുമായി ബന്ധപ്പെട്ട് രണ്ടുപേരെ പൊലീസ് കസ്റ്റഡിയിലെടുത്തിട്ടുണ്ട്. ആക്രമണത്തിന് പിന്നിൽ ലഹരി സംഘമാണെന്നാണ് പൊലീസിന്‍റെ പ്രാഥമിക നിഗമനം.