തൃക്കാകരയില് ചിത്രങ്ങള് മോര്ഫ് ചെയ്ത് പ്രചരിപ്പിച്ച സംഭവം; പ്രതി സനീഷിനെ കസ്റ്റഡിയില് വാങ്ങാന് പൊലീസ്
തൃക്കാക്കര ഭാരത് മാതാ കോളേജിലെ മോര്ഫിങ് കേസില് മുഖ്യപ്രതി സനീഷിനെ കസ്റ്റഡിയില് വാങ്ങാന് അന്വേഷണ സംഘം കോടതിയില് അപേക്ഷ നല്കും. അനീഷ് ആരംഭിച്ച പ്രീമിയം ഗ്രൂപ്പിന്റെയടക്കം കൂടുതല് വിശദാംശങ്ങള് പൊലീസിന് ലഭിച്ചു.
ഗ്രൂപ്പ് അഡ്മിന്മാര്, അംഗങ്ങള് എന്നിവരെ സംബന്ധിക്കുന്ന സുപ്രധാന വിവരങ്ങളാണ് പൊലീസിന് ലഭിച്ചിരിക്കുന്നത്. പണത്തിനായി മോര്ഫ് ചെയ്ത ചിത്രങ്ങള് സനീഷ് പങ്കുവെച്ചെന്ന് പറയപ്പെടുന്ന ടെലഗ്രാം ഗ്രൂപ്പിലെ അംഗങ്ങള് ആരെന്നതില് അടക്കം കണ്ടെത്താനുള്ള ശ്രമത്തിന്റെ ഭാഗമായാണ് പൊലീസ് ടെലഗ്രാമിനെ സമീപിച്ചത്.
ടെലഗ്രാം ഗ്രൂപ്പില് നിന്നും ഒരു ജാര്ഖണ്ഡ് നമ്പറും ലഭിച്ചിട്ടുണ്ട്. മലയാളികള് ജാര്ഖണ്ഡില് നിന്നും സംഘടിപ്പിച്ച നമ്പരാണോ ഇതെന്നും പരിശോധിക്കുന്നുണ്ട്. കൂടുതല് വിവരങ്ങള് തേടി വീണ്ടും പൊലീസ് ടെലഗ്രാമിന് കത്ത് നല്കിയിട്ടുണ്ട്. 4 ടെലഗ്രാം ഗ്രൂപ്പുകളില് പൊലീസ് നിര്ണായകമായ അന്വേഷണം നടത്തുന്നുണ്ട്. വിശദമായ പരിശോധനക്ക് ശേഷം കൂടുതല് പേരെ ചോദ്യം ചെയ്യും
