ഡീസൽ കരുതൽ ശേഖരം പുറത്തെടുത്തില്ലെങ്കിൽ കയറ്റുമതി വിലക്കും: യൂറോപ്യൻ രാജ്യങ്ങൾക്ക് മുന്നറിയിപ്പുമായി ട്രംപ് ഭരണകൂടം

ആഗോളതലത്തിൽ ഇന്ധനവില നിയന്ത്രിക്കുന്നതിന്റെ ഭാഗമായി ഫ്രാൻസിനും ജർമ്മനിക്കും കടുത്ത മുന്നറിയിപ്പുമായി അമേരിക്കൻ ഭരണകൂടം. തങ്ങളുടെ പക്കലുള്ള അടിയന്തര ഡീസൽ കരുതൽ ശേഖരം ഉടൻ തന്നെ വിപണിയിലേക്ക് തുറന്നുവിടണമെന്ന് യുഎസ് നിർദ്ദേശം നൽകി. ഇതിന് തയ്യാറായില്ലെങ്കിൽ യൂറോപ്പിലേക്കുള്ള ഡീസൽ കയറ്റുമതി പൂർണ്ണമായും നിരോധിക്കുമെന്നാണ് ട്രംപ് ഭരണകൂടം ഭീഷണിപ്പെടുത്തിയിരിക്കുന്നത്.

അടുത്ത ആറ് മാസത്തിനുള്ളിൽ യൂറോപ്യൻ യൂണിയൻ തങ്ങളുടെ ശേഖരത്തിൽ നിന്ന് 120 ദശലക്ഷം ബാരൽ ഡീസൽ പുറത്തെടുക്കണമെന്നാണ് അമേരിക്ക പ്രധാനമായും ആവശ്യപ്പെട്ടിട്ടുള്ളത്. പശ്ചിമേഷ്യയിലെ യുദ്ധവും സംഘർഷങ്ങളും ഇന്ധന വിതരണ ശൃംഖലയെ ബാധിച്ചതാണ് ആഗോള വിപണിയിൽ വില വർദ്ധനവിന് കാരണമായത്. ഈ ഘട്ടത്തിൽ കരുതൽ ശേഖരം വിനിയോഗിക്കാതെ വെച്ചുകൊണ്ടിരിക്കുന്നത് അംഗീകരിക്കാൻ കഴിയില്ലെന്നാണ് വാഷിംഗ്ടണിന്റെ നിലപാട്.