അട്ടപ്പാടി മധു വധക്കേസിൽ വൻ വഴിത്തിരിവ്; പ്രതികൾക്ക് കൊലക്കുറ്റത്തിന് ശിക്ഷ നൽകണം

കേരള മനഃസാക്ഷിയെ ആകെ ഞെട്ടിച്ച അട്ടപ്പാടി മധു വധക്കേസിൽ നിർണ്ണായക നീക്കവുമായി സംസ്ഥാന സർക്കാർ രംഗത്തെത്തിയിരിക്കുകയാണ്. കേസിൽ പ്രതികളുടെ ശിക്ഷ വർദ്ധിപ്പിക്കണമെന്ന് ആവശ്യപ്പെട്ട് സർക്കാർ രാജ്യത്തെ പരമോന്നത നീതിപീഠമായ സുപ്രീം കോടതിയെ സമീപിച്ചു.

പ്രതികൾക്ക് കൊലപാതക കുറ്റത്തിന് തന്നെ ശിക്ഷ നൽകണമെന്നാണ് സർക്കാരിന്റെ പ്രധാന ആവശ്യം. കേസിൽ ഒന്നാം പ്രതിയായ ഹുസൈനെ വെറുതെ വിട്ട കീഴ്‌ക്കോടതി വിധിക്കെതിരെയും സംസ്ഥാന സർക്കാർ സുപ്രീം കോടതിയിൽ അപ്പീൽ സമർപ്പിച്ചിട്ടുണ്ട്.

നിലവിൽ പ്രതികൾക്ക് നൽകിയിട്ടുള്ളത് പട്ടികജാതി പട്ടികവർഗ്ഗ പീഡന നിരോധന നിയമപ്രകാരവും മനപ്പൂർവ്വമല്ലാത്ത നരഹത്യക്കുമുള്ള ശിക്ഷ മാത്രമാണ്. എന്നാൽ ഇത് പോരെന്ന് ചൂണ്ടിക്കാട്ടിയാണ് സർക്കാർ ഇപ്പോൾ സുപ്രീം കോടതിയിലെത്തിയത്.