അമേരിക്കയിൽ വൻ നികുതി റീഫണ്ട് പ്രഖ്യാപിച്ച് ഐആർഎസ്

അമേരിക്കൻ ഐആർഎസ് അഥവാ ഇന്റേണൽ റെവന്യൂ സർവീസ് പൗരന്മാർക്കായി വൻ സാമ്പത്തിക ആശ്വാസ പദ്ധതി പ്രഖ്യാപിച്ചു. രാജ്യത്തെ അമ്പതിനായിരത്തിലധികം പൗരന്മാർക്ക് അയ്യായിരം ഡോളർ വരെ തുക നേരിട്ട് ബാങ്ക് അക്കൗണ്ടുകളിലേക്ക് റീഫണ്ടായി നൽകാൻ ഐആർഎസ് നടപടികൾ തുടങ്ങി.

മുൻ വർഷങ്ങളിൽ അഡോപ്ഷൻ ടാക്സ് ക്രെഡിറ്റ് ആനുകൂല്യങ്ങൾക്ക് അപേക്ഷ നൽകിയ യോഗ്യരായ നികുതിദായകർക്കാണ് ഈ പ്രത്യേക ആനുകൂല്യം ലഭിക്കുക. അപേക്ഷകർ വീണ്ടും ഫോമുകൾ പൂരിപ്പിച്ചു നൽകേണ്ടതില്ലാത്ത രീതിയിലാണ് ഐആർഎസ് ഈ സംവിധാനം ക്രമീകരിച്ചിരിക്കുന്നത്.

കുട്ടികളെ ദത്തെടുത്ത കുടുംബങ്ങൾക്ക് സാമ്പത്തിക സഹായം നൽകുക എന്ന ലക്ഷ്യത്തോടെയാണ് യുഎസ് ഭരണകൂടം ഈ പദ്ധതി നടപ്പിലാക്കി വരുന്നത്. ദത്തെടുക്കലുമായി ബന്ധപ്പെട്ട് വരുന്ന ഭീമമായ നിയമപരമായ ചെലവുകൾക്കും മറ്റ് ഭരണപരമായ ബാധ്യതകൾക്കും ആശ്വാസമേകാൻ ഈ തുക ഉപകരിക്കും.