തിരുവനന്തപുരത്ത് സര്‍ക്കാര്‍ ആശുപത്രി കെട്ടിടത്തിന്റെ കോൺക്രീറ്റ് പാളി അടർന്ന് വീണു; രോഗിയുടെ ബന്ധുവിന് പരിക്ക്

തിരുവനന്തപുരം നെടുമങ്ങാട് ജില്ലാ ആശുപത്രി കെട്ടിടത്തിന്റെ കോൺക്രീറ്റ് പാളി അടർന്ന് വീണ് രോഗിയുടെ ബന്ധുവിന് പരിക്ക്.ശാന്തിഗിരി സ്വദേശി നൗഫിയ നൗഷാദിന് (21) കയ്യിലാണ് പരിക്കേറ്റത്. 

ഇന്ന് രാവിലെയായിരുന്നു സംഭവം.ബന്ധുവിനെ പിഎംആർ ഒപിയിൽ ഡോക്ടറെ കാണിക്കാൻ ഇരിക്കുന്നതിനിടെയാണ് നൗഫിയയുടെ ഇടത് കയ്യിലും മുതുകിലും പാളികൾ അടർന്ന് വീണത്.

അപകടത്തിന് പിന്നാലെ പിഎംആർ ഒപി ഇവിടെ നിന്ന് സ്കിൻ ഒപിയിലേക്ക് മാറ്റി. ജില്ലാ ആശുപത്രിയിൽ X-ray മെഷിൻ പ്രവർത്തിച്ചിരുന്നില്ല, പുറത്ത് നിന്നും X - ray എടുക്കേണ്ടി വന്നുവെന്നും പരാതി ഉയരുന്നുണ്ട്.