-20201004103051.png)
ഇന്ത്യയ്ക്കെതിരായ തീരുവ: റഷ്യ-ഉക്രെയ്ന് യുദ്ധം അവസാനിപ്പിക്കാനെന്ന് ട്രംപ് ഭരണകൂടം
വാഷിങ്ടണ്: യു.എസ് പ്രസിഡന്റ് ഡൊണാള്ഡ് ട്രംപ് വിദേശ രാജ്യങ്ങള്ക്കുമേല് ചുമത്തിയ മിക്ക തീരുവകളും നിയമവിരുദ്ധമാണെന്ന അപ്പീല് കോടതി വിധിക്കെതിരെ ട്രംപ് ഭരണകൂടം സുപ്രീം കോടതിയില്. വിവിധ രാജ്യങ്ങള്ക്കുമേല് ചുമത്തിയ തീരുവകളെ ന്യായീകരിച്ചാണ് ട്രംപ് ഭരണകൂടം സുപ്രീം കോടതിയില് അപ്പീല് സമര്പ്പിച്ചത്. അപ്പീലില് ഇന്ത്യക്കെതിരേ ചുമത്തിയ അധിക തീരുവയെക്കുറിച്ചും പരാമര്ശമുണ്ട്.
റഷ്യ-ഉക്രെയ്ന് യുദ്ധം അവസാനിപ്പിക്കാനുള്ള നിര്ണായക ശ്രമങ്ങളുടെ ഭാഗമായാണ് തീരുവ ചുമത്തിയതെന്നാണ് അപ്പീലില് പറയുന്നത്. റഷ്യയില് നിന്ന് എണ്ണ വാങ്ങുന്നതിനാലാണ് ഇന്ത്യക്കെതിരെ അടുത്തിടെ അന്താരാഷ്ട്ര അടിയന്തര സാമ്പത്തികാധികാര നിയമം (ഐഇഇപിഎ) ഉപയോഗിച്ച് തീരുവ ചുമത്തിയത്. ഇത് യുദ്ധത്താല് തകര്ന്ന ഉക്രെയ്നില് സമാധാനം പുനസ്ഥാപിക്കാനുള്ള ശ്രമങ്ങളുടെ ഭാഗമാണെന്നും അപ്പീലില് പറയുന്നു.
