ഡിറ്റ് വാ ചുഴലിക്കാറ്റ്: ശ്രീലങ്കൻ പ്രസിഡന്റുമായി സംസാരിച്ച് പ്രധാനമന്ത്രി, പിന്തുണ വാഗ്ദാനം ചെയ്തു

ശ്രീലങ്കൻ പ്രസിഡന്റ് അനുര കുമാര ദിസനായകേയുമായി ഫോണിൽ സംസാരിച്ച് പ്രധാനമന്ത്രി നരേന്ദ്ര മോദി. ഓപ്പറേഷൻ സാഗർ ബന്ധുവിന് കീഴിൽ ശ്രീലങ്കയ്ക്ക് കൂടുതൽ പിന്തുണ വാഗ്ദാനം ചെയ്യുകയും ചെയ്തു. രാജ്യത്ത് ഉണ്ടായ ജീവഹാനിയിൽ അദ്ദേഹം അനുശോചനം രേഖപ്പെടുത്തി. ഈ ആവശ്യമുള്ള സമയത്ത് ശ്രീലങ്കൻ ജനതയ്‌ക്കൊപ്പം ഇന്ത്യൻ ജനത ഉറച്ച ഐക്യദാർഢ്യവും പിന്തുണയും പ്രകടിപ്പിക്കുന്നുണ്ടെന്നും അദ്ദേഹം അറിയിച്ചു.ഡിറ്റ് വാ ചുഴലിക്കാറ്റ് കരയിലേക്ക് വീശി നാശം വിതച്ചതിന് പിന്നാലെ, കൊളംബോയിലെ രണ്ട് ഇന്ത്യൻ നാവികസേനാ കപ്പലുകളിൽ നിന്ന് 9.5 ടൺ അടിയന്തര റേഷൻ കൈമാറി. ടെന്റുകൾ, ടാർപോളിനുകൾ, പുതപ്പുകൾ, ശുചിത്വ കിറ്റുകൾ, കഴിക്കാൻ തയ്യാറായ ഭക്ഷണസാധനങ്ങൾ, മരുന്നുകൾ, ശസ്ത്രക്രിയാ ഉപകരണങ്ങൾ എന്നിവയുൾപ്പെടെ 31.5 ടൺ ദുരിതാശ്വാസ വസ്തുക്കൾ വിമാനത്തിൽ എത്തിക്കാൻ മൂന്ന് ഇന്ത്യൻ വ്യോമസേനാ വിമാനങ്ങൾ വിന്യസിച്ചു.