ഓണ്‍ലൈൻ ജോലി വാഗ്ദാനം ചെയ്ത് വീട്ടമ്മമാരില്‍നിന്നു തട്ടിയത് 35 ലക്ഷം; യുവാവ് അറസ്റ്റില്‍

ബെംഗളൂരുവില്‍ താമസിച്ച്‌ ബിസിനസ് ചെയ്യുന്ന മലപ്പുറം സ്വദേശി ദില്‍ഷാദ് അലിയെ (32) ആണ് ആലപ്പുഴ സൈബർ ക്രൈം പോലീസ് അറസ്റ്റുചെയ്തത്. ബെംഗളൂരുവില്‍നിന്നാണ് ഇയാളെ അറസ്റ്റ് ചെയ്തത്.

ഇതേ കേസില്‍ മൂന്നുപേരെ സൈബർ പോലീസ് അറസ്റ്റുചെയ്തിരുന്നു. ഇയാള്‍ 35 ലക്ഷം രൂപയോളം പല വീട്ടമ്മമാരില്‍നിന്നു തട്ടിയെടുത്തതായി സമ്മതിച്ചതായി പോലീസ് പറഞ്ഞു. സംഘത്തിലെ മറ്റുള്ളവർക്കായി അന്വേഷണം നടക്കുകയാണ്.

ആലപ്പുഴ ഡി.സി.ആർ.ബി. ഡിവൈ.എസ്.പി. കെ.എല്‍. സജിമോന്റെ മേല്‍നോട്ടത്തില്‍ ആലപ്പുഴ സൈബർ ക്രൈം പോലീസ് സ്റ്റേഷൻ ഇൻസ്പെക്ടർ ടി.വി. ഷിബു, എസ്.ഐ. ഡി. സജികുമാർ, സീനിയർ സി.പി.ഒ. പി.എ. നവാസ്, സി.പി.ഒ. എ. അനീഷ് കുമാർ എന്നിവർ ചേർന്നാണു ഇയാളെ പിടികൂടിയത്.