രാഹുല്‍ ഗാന്ധി നാളെ വയനാട്ടിലേക്ക് ; ഭാരത് ജോഡോ ന്യായ് യാത്ര താല്‍ക്കാലികമായി അവസാനിപ്പിച്ചു
കോണ്‍ഗ്രസ് നേതാവ് രാഹുല്‍ ഗാന്ധി നാളെ വയനാട്ടില്‍ എത്തും
കല്‍പ്പറ്റ: കോണ്‍ഗ്രസ് നേതാവ് രാഹുല്‍ ഗാന്ധി നാളെ വയനാട്ടില്‍ എത്തും. ഭാരത് ജോഡോ ന്യായ് യാത്ര അവസാനിപ്പിച്ച്‌ വാരണാസിയില്‍ നിന്ന് ഇന്ന് വൈകുന്നേരം അഞ്ച് മണിയ്ക്ക് രാഹുല്‍ ഗാന്ധി യാത്ര തിരിക്കും.
എഐസിസി കമ്മ്യൂണിക്കേഷന്‍ വിഭാഗം തലവന്‍ ജയറാം രമേശാണ് വിവരം അറിയിച്ചത്. വയനാട്ടില്‍ രാഹുല്‍ ഗാന്ധിയുടെ സാന്നിധ്യം ആവശ്യമാണെന്നും അവിടത്തെ നിലവിലെ പ്രതിസന്ധിയില്‍ രാഹുല്‍ എവിടെ എത്തേണ്ടത് അത്യാവശ്യമാണെന്നും ജയറാം രമേശ് അറിയിച്ചു.
വയനാട്ടില്‍ വന്യജീവി ആക്രമണത്തില്‍ മരണം തുടര്‍ച്ചയായതോടെ സ്ഥലം എംപി മണ്ഡലത്തില്‍ എത്തുന്നില്ല എന്ന ആരോപണം ശക്തമായിരുന്നു. ഇന്ന് പ്രതിഷേധം ശക്തമായതോടു കൂടിയാണ് രാഹുല്‍ വയനാട്ടിലേക്ക് എത്തുന്നത്.
What's Your Reaction?
