കാണിക്കവഞ്ചിയുമായി കടന്ന് യുവതിയും യുവാവും: സംഭവം കൊല്ലത്ത്

ബൈക്കിലെത്തിയ യുവതിയും യുവാവുമാണ് പൂവറ്റൂർ പടിഞ്ഞാറ് മാവടി പുനരൂർകുളങ്ങര മഹാവിഷ്ണുക്ഷേത്രത്തിലെ മൂന്ന് കാണിക്കവഞ്ചികള്‍ കടത്തിക്കൊണ്ട് പോയത്.

കൊടിമരച്ചുവട്ടിലും രണ്ട് ഉപദേവാലയങ്ങള്‍ക്ക് മുന്നിലും സ്ഥാപിച്ചിരുന്ന കുടത്തിന്റെ ആകൃതിയിലുള്ള സ്റ്റീല്‍ നിർമ്മിത കാണിക്കവഞ്ചികളാണ് കവർന്നത്. ഇന്നലെ രാവിലെ ഇവ മൈലംകുളം ക്ഷേത്രത്തിന് സമീപമുള്ള റബർ തോട്ടത്തില്‍ നിന്നും ഉപേക്ഷിച്ച നിലയില്‍ കണ്ടെത്തി. മോഷണം നടത്തുന്നതിന്റെയും കാണിക്കവഞ്ചി ഉപേക്ഷിച്ചതിന്റെയും സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്.യുവാവ് കൊടിമരത്തിന് മുന്നിലായി സ്‌കൂട്ടർ നിർത്തിയ ശേഷം തൊഴുത് നില്‍ക്കുന്നതും യുവതി വഞ്ചിയെടുത്ത് ബാഗില്‍ വയ്‌ക്കുന്നതിന്റെയും സിസിടിവി ദൃശ്യങ്ങള്‍ അന്വേഷണ സംഘത്തിന് ലഭിച്ചു.