biryani festival ambur 2022: ബിരിയാണി മേളയിൽ ബീഫിനും പോർക്കിനും നിരോധനം; വിവാദം, മേള മാറ്റിവച്ച് – tamil nadu biryani festival postponed by district administration

മൂന്ന് ദിവസത്തെ ബിരിയാണി മേള ആഘോഷമാണ് നടക്കാനിരുന്നത്. എന്നാൽ, മഴ കാരണം മേള മാറ്റി വച്ചുവെന്നാണ് അവകാശപ്പെടുന്നത്.

കനത്ത മഴ ഉണ്ടാകുമെന്ന് റിപ്പോർട്ടുകളുടെ അടിസ്ഥാനത്തിൽ ഞങ്ങൾ പരിപാടി മാറ്റിവയ്ക്കുകയാണ്. പിന്നീട് ഉദ്യോഗസ്ഥരുമായി ചർച്ച നടത്തി പരിപാടിയുടെ സമയവും തീയതിയും തീരുമാനിക്കുമെന്നും ജില്ലാ കളക്ടർ ഇന്ത്യൻ എക്സ്പ്രസിനോട് പറഞ്ഞു.

Also Read : ‘സുധാകരൻ്റെ പുറത്താക്കൽ അംഗീകരിക്കില്ല’; ഇടതുപാളയത്തിൽ ശക്തനായി ‘സോണിയയുടെ വിശ്വസ്തൻ’; കലിയടങ്ങാതെ കെവി തോമസ്

മേളയിൽ മുപ്പതിലധികം സ്റ്റാളുകളിലായി 20 ലധികം ഇനം ബിരിയാണികൾ ഉണ്ടായിരിക്കുമെന്ന് കളക്ടർ നേരത്തെ പറഞ്ഞിരുന്നു. എന്നാൽ, നഗരത്തിൽ ധാരാളം ആളുകൾ താമസിക്കുന്നതിനാൽ ജനങ്ങളുടെ വികാരം മാനിച്ച് ബീഫ്, പോർക്ക് ബിരിയാണികൾ ഒഴിവാക്കുകയാണെന്ന് കളക്ടർ പറഞ്ഞു.

മേളയിൽ ഒരു വിഭാഗം ആളുകൾ പോർക്ക് ബിരിയാണി വിളമ്പുന്നതിനെയും മറ്റൊരു വിഭാഗം ബീഫ് ബിരിയാണി വിളമ്പുന്നതിനെയും എതിർത്ത് രംഗത്ത് വന്നിരുന്നു. ഇതോടെ മേള മാറ്റിവയ്ക്കേണ്ടി വന്നതെന്നാണ് റിപ്പോർട്ട്.

സൗജന്യമായി ബീഫ് ബിരിയാണി മേളയിൽ വിളമ്പുമെന്ന് വിടുതലൈ ചിരുതൈ കക്ഷി (വിസികെ), ടൈഗേഴ്‌സ് ഓഫ് തമിഴ് ഈഴം (എൽടിടിഇ), ഹ്യൂമാനിറ്റേറിയൻ പീപ്പിൾസ് പാർട്ടി എന്നിവർ പ്രഖ്യാപിച്ചിരുന്നു. ഇതോടെയാണ് വിവാദമായത്.

Also Read : കോൺഗ്രസ് ഭയക്കുന്ന ചരിത്രം ആവർത്തിക്കുമോ? ആദ്യ തന്ത്രം ഫലം കണ്ടു; തൃക്കാക്കരയിൽ പ്രതീക്ഷയോടെ സിപിഎം

ഉദ്യോഗസ്ഥർ ബീഫ് ഫെസ്റ്റിവലിന്റെ ഭാഗമാക്കാൻ അനുവദിച്ചില്ലെങ്കിൽ, മേള നടക്കുന്ന കേന്ദ്രത്തിന് എതിർവശത്ത് തങ്ങളുടെ പാർട്ടി ജനങ്ങൾക്ക് സൗജന്യമായി ബീഫ് വിതരണം ചെയ്യുമെന്ന് വിസികെ നേതാക്കൾ അറിയിച്ചിട്ടുണ്ട്.