വയനാട്ടില്‍ വീട്ടുമുറ്റത്തെ കിണറ്റില്‍ വീണ കടുവയെ മയക്കുവെടിവെച്ച്‌ പുറത്തെത്തിച്ചു

വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തിയതിനെ തുടർന്ന് മയക്കുവെടി വെച്ചാണ് പുറത്തെത്തിച്ചത്. കടുവയെ കുപ്പാടി വന്യമൃഗ സംരക്ഷണ കേന്ദ്രത്തിലേക്ക് കൊണ്ടുപോയി. സുരക്ഷ കണക്കിലെടുത്താണ് മയക്കുവെടി വെച്ചത്.

ഇന്ന് രാവിലെ ടാങ്കിലേക്ക് വെള്ളമടിക്കാനായി മോട്ടർ ഇട്ടപ്പോള്‍ പ്രവർത്തിച്ചില്ല. തുടർന്ന് നടത്തിയ പരിശോധനയിലാണ് കിണറ്റില്‍ കടുവയെ കണ്ടത്. പരിഭ്രാന്തരായ വീട്ടുകാർ ഉടൻതന്നെ വനംവകുപ്പിനെയും അറിയിച്ചു. വന്യമൃഗങ്ങളെ ഓടിച്ചുകൊണ്ടു വന്നപ്പോള്‍ കിണറ്റില്‍ വീണതാണെന്നാണ് കരുതുന്നത്. വനമേഖലയോട് ചേര്‍ന്ന പ്രദേശമാണ് മൂന്നാനക്കുഴി. കടുവ കണ്ട സാഹചര്യത്തില്‍ നാട്ടുകാർ പരിഭ്രാന്തിയിലാണ്.