pulsar suni’s mother: കൊമ്പനാനയാണ് ദിലീപ്, ഇവരൊക്കെ അണ്ണാൻ കുഞ്ഞുങ്ങളെന്ന് പൾസ‍‍ർ സുനിയുടെ അമ്മ; രഹസ്യമൊഴി നൽകും

പെട്ടുപോയി

നടിയെ ആക്രമിച്ച കേസിൽ ജയിലിൽ കഴിയുന്ന ഒന്നാം പ്രതി പള്‍സർ സുനി കോടതിയിൽ രഹസ്യമൊഴി നൽകാൻ ആഗ്രഹം പ്രകടിപ്പിച്ചതായി അമ്മ ശോഭന മാധ്യമങ്ങളോട് പറഞ്ഞിരിക്കുകയാണ്. ദിലീപ് പറഞ്ഞ വാക്കുകളിൽ താൻ പെട്ടുപോയിയെന്നാണ് സുനി പറഞ്ഞതെന്നും ചെയ്ത കാര്യങ്ങളിൽ കുറ്റബോധമുണ്ടെന്ന് പറഞ്ഞുവെന്നും അമ്മ പറഞ്ഞിരിക്കുകയാണ്.

ഇവരൊക്കെ അണ്ണാൻ കുഞ്ഞുങ്ങൾ

എല്ലാം കോടതിയിൽ പറയാനാണ് തീരുമാനം, രഹസ്യമൊഴി നൽകുമെന്നും നടന്ന സംഭവങ്ങളെല്ലാം സുനി പറയുമെന്നും അമ്മ പറഞ്ഞിരിക്കുകയാണ്. ഒരു കൊമ്പനാനയുടെ ഇടയിൽ പെട്ടെ കുറച്ച് അണ്ണാൻ കുഞ്ഞുങ്ങളാണ് ഇവരൊക്കെ, ഈ അണ്ണാൻ കുഞ്ഞുങ്ങൾക്ക് എന്ത് ചെയ്യാനാകുമെന്നും സുനിയുടെ അമ്മ ചോദിച്ചിരിക്കുകയാണ്.

കാര്യങ്ങളെല്ലാം സുനി അറിയുന്നുണ്ട്

ജയിലിൽ പോയി സുനിയെ കണ്ട് മടങ്ങവേയാണ് എഷ്യാനെറ്റ് ന്യൂസിനോട് ശോഭന ഇത് പറഞ്ഞിരിക്കുന്നത്. ജയിലിലാണെങ്കിലും പുറത്തു നടക്കുന്ന കാര്യങ്ങളെല്ലാം സുനി അറിയുന്നുണ്ട്. സംവിധായകൻ ബാലചന്ദ്രകുമാർ പറഞ്ഞ കാര്യങ്ങളെല്ലാം ശരിയാണെന്നും ഇപ്പോള്‍ ഒന്നും മിണ്ടരുതെന്നും പറഞ്ഞുവെന്നും അവര്‍ പറഞ്ഞു.

ഒരു കൊമ്പനാന

ദിലീപ് എന്നത് ഒരു കൊമ്പനാനയാണ്, കൂടെയുള്ളത് കുറച്ച് അണ്ണാൻ കുഞ്ഞുങ്ങളാണ്,. അണ്ണാൻ കുഞ്ഞുങ്ങൾക്ക് കൊമ്പനാനയെ എന്തുചെയ്യാൻ പറ്റുമെന്നും ശോഭന ചോദിച്ചു. കോടതിയിൽ രഹസ്യ മൊഴി നൽകുമെന്നും അവർ പറയുകയുണ്ടായി. ജയിലില്‍ സുനി കടുത്ത മാനസിക സമ്മര്‍ദത്തിലാണെന്ന് കഴിഞ്ഞയാഴ്ച ജയിലിൽ സുനിയെ കണ്ട് പുറത്തിറങ്ങിയ ശേഷം ശോഭന പറഞ്ഞിരുന്നു.

Video-അനൂപിന് സമ്മാനവുമായി ബിഗ് ബോസിലെ ആ കൂട്ടുകാരിയെത്തി