Skincare tips For Men: ചർമ്മ സംരക്ഷണത്തിനായി പുരുഷന്മാർ ശ്രദ്ധിക്കേണ്ട ചിലത് – easy to follow skincare tips for men

ചുളിവുകൾ തടയാൻ

ശ്രദ്ധിച്ചില്ലെങ്കിൽ സ്ത്രീകളുടെ ചർമ്മത്തിലേത് പോലെ തന്നെ പുരുഷ ചർമ്മത്തിലും വരകളും ചുളിവുകളുമൊക്കെ വളരെ പെട്ടന്ന് ഉണ്ടാകാം. അതിനാൽ വേണ്ട പരിചരണം നൽകേണ്ടത് പ്രധാനമാണ്.
പുറത്തെ കുരുക്കൾ അകറ്റാൻ പ്രതിവിധി ഇതാ
ചർമ്മ പ്രശ്നങ്ങൾ

പുരുഷന്മാർ സാധാരണ നേരിടുന്ന ചർമ്മ പ്രശ്നങ്ങളാണ് ഷേവ് ചെയ്തതിന് ശേഷം ഉണ്ടാകുന്ന അസ്വസ്ഥതകൾ, മുഖക്കുരു, കറുത്ത പാടുകൾ, തിണർപ്പ് തുടങ്ങിയവ. കൂടാതെ എണ്ണമയമുള്ള ചർമ്മത്തെയും വരണ്ട ചർമ്മത്തെയുമൊക്കെ എങ്ങനെ നേരിടാം എന്നും പുരുഷന്മാർ ശ്രദ്ധിക്കേണ്ടതുണ്ട്.

മുഖം വൃത്തിയാക്കുക

ദിവസത്തിൽ രണ്ട് പ്രാവശ്യം എങ്കിലും മുഖം വൃത്തിയാക്കേണ്ടതുണ്ട്. ആ കാര്യത്തിൽ വിട്ടുവീഴ്ച വേണ്ട. ചർമ്മത്തിൽ അടിഞ്ഞു കൂടിയ മാലിന്യം അകറ്റാനും അധിക എണ്ണമയം ഇല്ലാതാക്കാനുമെല്ലാം ഇത് സഹായിക്കും.

എക്സ്ഫോളിയേറ്റിങ്

മൃതകോശങ്ങൾ നീക്കം ചെയ്യാൻ ആഴ്ചയിൽ ഒന്നോ രണ്ടോ തവണ ചർമ്മം എക്സ്ഫോളിയേറ്റ് ചെയ്യുക. വളരെ കഠിനമായ രീതിയിൽ ചർമ്മം സ്‌ക്രബ് ചെയ്യാതിരിക്കാൻ ശ്രദ്ധിക്കുക. സ്‌ക്രബ് ചെയ്യുന്നത് ചർമ്മത്തിന് മൃദുലതയും തിളക്കവും നൽകും.

മോയ്സചറൈസിംഗ്

ചർമ്മ സംരക്ഷണ ദിനചര്യയിലെ ഒരു പ്രധാന ഘട്ടമാണിത്. ചർമ്മം വരണ്ട് പോകുന്നത് തടയാൻ, ചർമ്മത്തിന് യോജിച്ച മോയിസ്ചറൈസർ പതിവായി ഉപയോഗിക്കുക, പ്രത്യേകിച്ച് ഷേവ് ചെയ്തതിന് ശേഷം.

ഭക്ഷണക്രമം

ആരോഗ്യകരമായി കഴിക്കുക. പഴങ്ങളും പച്ചക്കറികളും ചേർന്ന സമീകൃതാഹാരം കഴിക്കാനായി തിരഞ്ഞെടുക്കുക. വെള്ളം കുടിക്കുന്നതിലും മുടക്കം വരുത്തരുത്.