KC Venugopal: ഇനി പുതിയ കോൺഗ്രസ്; അടിമുടി മാറും: കെ സി വേണുഗോപാൽ - congress leader kc venugopal about chintan shivir

KC Venugopal: ഇനി പുതിയ കോൺഗ്രസ്; അടിമുടി മാറും: കെ സി വേണുഗോപാൽ – congress leader kc venugopal about chintan shivir

ന്യൂഡൽഹി: വെള്ളിയാഴ്ച തുടങ്ങുന്ന ഉദയ്പുർ ചിന്തൻ ശിബിരത്തോടെ കോൺഗ്രസിൽ അടിമുടി മാറ്റം സംഭവിക്കുമെന്ന് കോൺഗ്രസ് ദേശീയ ജനറൽ സെക്രട്ടറി കെ സി വേണുഗോപാൽ. വെല്ലുവിളി നിറഞ്ഞ കാലാവസ്ഥയിലാണ് ചിന്തൻ ശിബിരം നടക്കുന്നത്. വർഷങ്ങളുടെ പൈതൃകമുള്ള പാർട്ടി എന്ന നിലയിൽ അതിന്റേതായ ദൗ‍ർബല്യങ്ങളുണ്ട്. അതൊക്കെ അഴിച്ചു പണിത് വ‍ർത്തമാന കാല തെരഞ്ഞടുപ്പ് രീതിക്ക് അനുസൃതമായി പാ‍ട്ടിയെ മാറ്റുന്നതിനാണ് ശിബിരമെന്ന് വേണുഗോപാൽ പറഞ്ഞു. മെയ് 13 മുതൽ 15 വരെ രാജസ്ഥാനിലാണ് ശിബിരം നടക്കുക.

പരസ്യത്തിന് പ്രതിഫലം 50 കരൾമാറ്റ ശസ്ത്രക്രിയകൾ; ആശുപത്രിയോട് സോനു സൂദ്
പ്രശാന്ത് കിഷോറിന്റെ റിപ്പോ‍ർട്ടിലെ പല ഭാഗങ്ങളും ശിബിരത്തിൽ ച‍ർച്ച ചെയ്യും. തങ്ങളിൽ പലരും ചിന്തിച്ച കാര്യങ്ങൾ തന്നെയാണ് പ്രശാന്ത് കിഷോ‍ർ മുന്നോട്ടുവെച്ചത്. കൂടാതെ അദ്ദേഹത്തിന്റേതായ നി‍ർദ്ദേശങ്ങളും റിപ്പോ‍ർട്ടിൽ ഉണ്ടായിരുന്നു. ഇതു കൂടാതെ മറ്റ് പ്രധാന നേതാക്കൾ മുന്നോട്ടുവെച്ച നി‍ർദ്ദേശങ്ങളും ച‍ർച്ച ചെയ്യുമെന്ന് വേണുഗോപാൽ മാതൃഭൂമി ഡോട്ട് കോമിന് നൽകിയ അഭിമുഖത്തിൽ പറഞ്ഞു.

പ്രശാന്ത് കിഷോറിന്റെ റിപ്പോ‍ർട്ടിൽ സോണിയ ഗാന്ധി അധ്യക്ഷ സ്ഥാനത്തു തുടരണമെന്നും രാഹുൽ ഗാന്ധി ലോക്സഭയിലെ പ്രതിപക്ഷ നേതാവ് ആകണമെന്നുമാണ്. അവരാരും തങ്ങളുടെ സ്ഥാനത്ത് കടിച്ചു തൂങ്ങി കിടക്കുന്നവരല്ല. ഇവരെ ഇന്ത്യയിലെ കോൺഗ്രസ് പ്രവ‍ർത്തകർ പ്രധാനപ്പെട്ട നേതാക്കളായി കാണുന്ന കാര്യം വിസ്മരിച്ച് മുന്നോട്ടു പോകാൻ സാധിക്കില്ലെന്നും കെ സി വേണുഗോപാൽ വ്യക്തമാക്കി.

ഹണിട്രാപ്പിൽപെടുത്തി പാകിസ്ഥാന് വേണ്ടി ചാരപ്പണി; വ്യോമസേന ഉദ്യോഗസ്ഥൻ പിടിയിൽ
കോൺഗ്രസിന് മൃദു ഹിന്ദുത്വ നിലപാടുമായി മുന്നോട്ടുപോകാൻ സാധിക്കില്ല. കോൺഗ്രസിന്റേത് മതേതരത്വ നിലപാടാണ്. മതേതരത്വത്തിൽ വെള്ളം ചേ‍‍‍ർത്താൽ അത് കോൺഗ്രസ് അല്ല. ചിലയിടങ്ങളിൽ ചില നേതാക്കൾ പറയുന്നതിൽ പ്രശ്നം ഉണ്ടാകും. അത് പാ‍ർട്ടി നയമല്ല. ഇക്കാര്യത്തിൽ വ്യക്തമായ നിലപാട് പാ‍ർട്ടിക്കുണ്ടെന്നും വേണുഗോപാൽ കൂട്ടിച്ചേർത്തു.