Chief election commissioner: രാജ്യത്തെ മുഖ്യ തെരഞ്ഞെടുപ്പ് കമ്മീഷണറാകാൻ രാജീവ് കുമാർ; 15ന് സ്ഥാനമേൽക്കും - rajiv kumar appointed next chief election commissioner assume charge on may 15

Chief election commissioner: രാജ്യത്തെ മുഖ്യ തെരഞ്ഞെടുപ്പ് കമ്മീഷണറാകാൻ രാജീവ് കുമാർ; 15ന് സ്ഥാനമേൽക്കും – rajiv kumar appointed next chief election commissioner assume charge on may 15

ന്യൂഡല്‍ഹി: രാജ്യത്തെ മുഖ്യതെരഞ്ഞെടുപ്പ് കമ്മീഷണറായി രാജീവ് കുമാറിനെ നിയമിച്ചു. മെയ് 15ന് അദ്ദേഹം സ്ഥാനമേൽക്കും. നിലവിലെ മുഖ്യതെരഞ്ഞെടുപ്പ് കമ്മിഷണർ സുശീല്‍ ചന്ദ്ര വിരമിക്കുന്ന ഒഴിവിലേക്കാണ് നിയമനം. നിലവില്‍ തെരഞ്ഞെടുപ്പ് കമ്മിഷണറായി പ്രവർത്തിച്ച് വരികയാണ് രാജീവ് കുമാര്‍. 1984 ബാച്ച് ഐഎഎസ് ഉദ്യോഗസ്ഥനാണ് ഇദ്ദേഹം.

കേന്ദ്ര നീതിന്യായ മന്ത്രാലയമാണ് രാജീവ് കുമാറിനെ തെരഞ്ഞെടുപ്പ് കമ്മീഷണറായി നിയമിച്ച വാർത്ത പുറത്തുവിട്ടത്. പുതിയ മുഖ്യ തെരഞ്ഞെടുപ്പ് കമ്മീഷണറുടെ നിയമനം രാഷ്ട്രപതി അംഗീകരിച്ചെന്നും അദ്ദേഹത്തിന് എല്ലാവിധ ഭാവുകങ്ങള്‍ നേരുന്നതായും കേന്ദ്രമന്ത്രി കിരണ്‍ റിജിജു അറിയിച്ചു.

Also Read : റനിൽ വിക്രമസിംഗെ ശ്രീലങ്കയുടെ പുതിയ പ്രധാനമന്ത്രി; രാജപക്സെയ്ക്ക് യാത്രാവിലക്ക്

തെരഞ്ഞെടുപ്പ് കമ്മിഷണറായി 2020 സെപ്റ്റംബര്‍ ഒന്നിനാണ് രാജീവ് കുമാര്‍ സ്ഥാനമേറ്റത്. 2025വരെ ഇദ്ദേഹം ഓഫീസിൽ തുടർന്നേക്കും. വരാനിരിക്കുന്ന, രാഷ്ട്രപതി, ഉപരാഷ്ട്രപതി തെരഞ്ഞെടുപ്പുകൾക്ക് പുറമെ 2024 ലോക് സഭ തെരഞ്ഞെടുപ്പും രാജീവ് കുമാറിന്‍റെ മേൽനോട്ടത്തിലാകും നടക്കുക.

Also Read : ഇത്തരം മാന്യത ഇല്ലാത്ത പണി എൽഡിഎഫ് ചെയ്യില്ല; യുഡിഎഫിനെതിരെ ഇപി ജയരാജൻ

തെരഞ്ഞെടുപ്പ് കമ്മിഷനിലേക്കെത്തുന്നതിന് മുമ്പ് പബ്ലിക് എന്‍റെര്‍പ്രൈസസ് സെലക്ഷന്‍ ബോര്‍ഡിന്‍റെ ചെയര്‍മാനായിരുന്നു രാജീവ് കുമാർ. വിവിധ കേന്ദ്ര- സംസ്ഥാന സർക്കാർ വകുപ്പുകളിലായി മുപ്പത്തിയേഴ് വർഷത്തെ പ്രവൃത്തി പരിചയവുമായാണ് അദ്ദേഹം മുഖ്യ തെരഞ്ഞെടുപ്പ് കമ്മീഷണറുടെ കസേരയിലേക്ക് എത്തുന്നത്.

ഇനി പുതിയ കോൺഗ്രസ്; അടിമുടി മാറും

കടപ്പാട്: ഉറവിട ലിങ്ക്